އެކަމަނާ ތިނަދު އަށް ވަޑައިގަތުމުން މަރުހަބާ ދަންނަވަން ވަރަށް ގިނަ ބަޔަކު ވަނީ ބަނދަރު ސަރަހައްދަށް ޖަމާވެފަ އެވެ.
ފަސްޓްލޭޑީގެ އެ ދަތުރުފުޅުގައި ގޭގެއަށް ޒިޔާރަތް ކުރައްވައި ރައްޔިތުންގެ ހާލު އަންނަނީ ބައްލަވަމުންނެވެ. އަދި މާދަމާ އައްޑޫ ސިޓީއަށްވެސް ފަސްޓް ލޭޑީ ވަޑައިގެންނެވުމަށް ވަނީ ހަމަޖެހިފަ އެވެ. މިއީ ވެސް ކެމްޕެއިން ދަތުރުތަކެކެވެ.
ޕީއެންސީގެ ކެންޑިޑޭޓުންނަށް ތާއީދުކުރުމަށް މާލޭގެ ޖަލްސާތަކުގައި ވެސް ފަސްޓްލޭޑީ ކުރިން ބައިވެރިވެވަޑައިގެންފައިވެ އެވެ. އަދި އެކަމަނާ ވަނީ ކައުންސިލު އިންތިހާބަކީ އާންމުކޮށް މަދު ބަޔަކު ވޯޓުލާ އިންތިހާބެއް ނަމަވެސް، މިފަހަރުގެ އިންތިހާބުގައި ގިނަ ބަޔަކު ވޯޓުލުމަށް ގޮވާލައްވައިފަ އެވެ.
އަންނަަ މަހުގެ 4ގައި ލޯކަލް ކައުންސިލް އިންތިހާބާ އެކު، ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށްލުމާ ގުޅޭ ގޮތުން ރައްޔިތުންގެ ހިޔާލު ހޯދުމުގެ ވޯޓެއް ނެގުން ވެސް އޮންނާނެ އެވެ.
