މިދިޔަ ހޮނިހިރު ދުވަހު ބޭއްވި ތިންް އިންތިހާބުގައިވެސް ސަރުކާރަށް ވަނީ ބޮޑު ނާކާމިޔާބީއަކާއި ކުރިމަތިލާން ޖެެހިފައެވެ. ކައުންސިލް އިންތިހާބުގައި ހުރިހާ ސީޓީއެއްގެ މޭޔަރުކަމާއި ކައުންސިލްގެ މެޖޯރިޓީގެ އިތުރުން ހުރިހާ ސީޓިއެއްގެ އަންްހެނުން ތަރައްގީއަށް މަސައްކަތްކުރާ ކޮމެޓީތަކުގެ މެޖޯރިޓީވެސް ނެގީ އިދިކޮޅު އެމްޑީޕީންނެވެ.
މީގެއިތުރުން ކައުންސިލުގެ ރައީސުންގެ ގިނަ ގޮނޑިތައް ވެސް ނެގީ އެމްޑީޕީ އާއި އަމިއްލަ ގޮތުން ވާދަކުރި ކެންޑިޑޭޓުންނެވެ. އަދި ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށްލަން ފެނޭތޯ ބަލަން ނެގި ފެންނަ ނުފެންނަ ވޯޓުން ވެސް ސަރުކާރު ވަނީ ބަލިވެފައިއެވެ.
ރައީސް ޔާމީން އިއްވެ އުފައްދަވާފައިވާ ފީއެންއެފުންް ރޭ ބޭއްވި ޖަލްސާގައި ވާހަކަ ދައްކަވަމުން ރައީސް ޔާމީން ވިދާޅުވީ ރައްޔިތުން ފައިސާއަށް ވޯޓްލުން ނިމުމަކަށް އައިކަން މި އިންތިހާބުން ދައްކާދީފިކަމަށެވެ. އީދު ދުވަހު ބަހާ ހަދިޔާއަކުން ނުވަތަ ރޯދަމަހު ބަހާ މަސްދަޅަކުން ރައްޔިތުން މިހާރު ނުވިކޭނެކަން ރައްޔިތުން ބުނެފިކަމަށާއި ރައްޔިތުން ވޯޓްދޭނީ އެ ރައްޔިތުންގެ މަސްލަހަތުގައިކަމަށް ޔާމީން ވިދާޅުވިއެެވެ. އެހެންކަމުން ފައިސާ ބެހުން ހުއްޓާލާ ރައްޔިތުންގެ ކަންކަމާއި ވސްްނުމަށް ރައީސް މުއިއްޒަށް ރައީސް ޔާމީން ވަނީ ގޮވާލެއްވިއެވެ.
ޔާމީން ރޭގެ ޖަލްސާގައިވަނީ މާމިގިލީ ދައިރާގެ މެމްބަރު ގާސިމް ިއބްރާހިމަށްްވެސް ފާޑު ވިދާޅުވެފައެވެ. އެގޮތުން ގާސިމް އަޅުންގެ ގޮތުގައި ގެންގުޅުނު އޭނާގެ އުފަން ރަށުގެ ރައްޔިތުންވެސްވެސް ިއސްކުރީ ރައްޔިތުންގެ މަސްލަހަތުކަން ރައީސް ޔާމީނ ްވިދާޅުވިއެވެ
ރައީސްް ޔާމީން ވިދާޅުވީ ރައީސް މުހައްމަދު މުއިއްޒު މިހާރު ކުރަންވީ ކަމަކީ، "ހެޔޮ ބަސް އަހާ، ހޮޔޮ ބަސް ގަބޫލުކޮށްގެން" ރައްޔިތުންގެ މަސްލަހަތު އިސްކުރާ ވެރިޔަކަށްވުން ކަމަށެވެ.
