ލަންކާއަށް އެތެރެވާ އެހެން ގައުމުތަކުގެ މީހުން އީޓީއޭ ހުށަހަޅަން ނުޖެހޭ ގޮތަށް ނިންމީ މިދިޔަ އަހަރުގެ ނޮވެމްބަރު މަހުގަ އެވެ. އެކަމަކު، މި މަހުގެ 25 ވަނަ ދުވަހުން ފެށިގެން އަނެއްކާވެސް އީޓީއޭ ހުށަހަޅަންޖޭ ގޮތަށް ލަންކާގެ އިމިގްރޭޝަން އެންޑް އެމިގްރޭޝަން ޑިޕާޓްމަންޓުން ވަނީ ނިންމައިފަ އެވެ.
ލަންކާއަށް ދަތުރަށް ފެށުމުގެ 24 ގަޑިއިރު ކުރިން ހޯދަންޖެހޭ މި ހުއްދައަށް އެދި ހުށަހަޅަންޖެހޭނީ eta.gov.lk ވެބްސައިޓުންނެވެ.
އީޓީއޭ ފުރަންޖެހޭ ގޮތަށް ހަމަޖެއްސި ނަމަވެސް ދިވެހިންނަށް އިތުރު ޗާޖަކާއި ނުލައި 90 ދުވަހުގެ ޓޫރިސްޓް ވިސާ އީޓީއޭ ސިސްޓަމުން ލިބޭނެ ކަމަށް ލަންކާ ހައިކޮމިޝަނުން ބުނެފައިވެ އެވެ.
