ހުޅުމާލެ ސީރިއަސް ކްރައިމް އިންވެސްޓިގޭޝަނުން ތަހުގީގު ކުރަމުންދާ މައްސަލައެއްގެ ތަހުގީގަށް މީހަކު ހާޒިރުކުރަން ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި އިއުލާންކޮށްފައިވަނީ، ރާހި / ފ.ނިލަންދޫ، އިޒްޔަން ޢަބްދުލްޙަމީދު (38އ) އެވެ.
އޭނާ ހޯދަމުންދަނީ މައްސަލައިގެ ތަހުގީގަށް ތުހުމަތުގައި ސުވާލުކުރުމަށް ކަމަށް ފުލުހުން ބުންޏެވެ.
ފުލުހުންވަނީ މި މަހުގެ 14 ވަނަ ދުވަހުގެ ހެނދުނު 10 ޖަހާއިރު، ހުޅުމާލެ ފޭސް 1 ޕޮލިސް ސްޓޭޝަން އޭނާ ހާޒިރުވާން އަންގައިފައެވެ.
