އޭނަ އިސްތިއުފާ ދެއްވިކަން ކުންފުނީގެ މުވައްޒަފުންނަށް ވެސް މިއަދު ވަނީ އަންގަވައިފަ އެވެ. ނަމަވެސް އިސްތިއުފާ ދެއްވީ ސީދާ ކޮން ސަބަބަކާ ހެދި ކަމެއް ސާފެއް ނުވެ އެވެ.
ސަރުކާރުގެ މަސް ކުންފުނީގެ ސީއީއޯގެ މަގާމަށް ފަރުހަތު އައްޔަންކުރީ މިދިޔަ އަހަރުގެ މާޗް 5 ގަ އެވެ.
ފަރުހަތު ޝަހީރު އަކީ ކުރީގެ ރައީސް ނަޝީދުގެ ވެރިކަން މަގުމަތިން ބަދަލުކުރި އިރު އެމްއެންޑީއެފްގެ ވައިސް ޗީފް އޮފް ޑިފެންސް ފޯސް އެވެ. އެ މަގާމުގައި ހުންނެވީ ބްރިގޭޑިއާ ޖެނެރަލްގެ ރޭންކުގަ އެވެ. ވެރިކަން ބަދަލުވުމާއެކު، ހަމަ އެ އަހަރުގެ ފެބްރުއަރީ ތެރޭގައި އޭނާ އިސްތިއުފާ ދެއްވި އެވެ.
އޭގެފަހުން ރައީސް ޔާމީނުގެ ވެރިކަމުގައި ފަރުހަތު ޝަހީރު ހުންނެވީ އައިޖީއެމްއެޗުގެ ސީއީއޯގެ މަގާމުގަ އެވެ.
