މި ފިލްމު މިމަހުގެ 15 ވަނދުވަހު ސިނަމާތަކަށް އަންނައިރު މީ ޑައިރެކްޓަރު މުދައްސަރު އަޒީލް 2019 ގައި ގެނެސްދިން "ޕަތީ ޕަތުނީ އޯރް ވޯ" ގެ އިތުރު ބަޔަކެވެ. އޭރުގެ ފިލްމުގެ ކާސްޓުންގެ ތެރޭގައި ހިމެނުނީ ކާތިކް އާރިއަނާއި އަނަންޔާ ޕާންޑޭގެ އިތުރުން ބޫމީ ޕަޑްނޭކަރެވެ. އެހެންނަމަވެސް މި ފަހަރުގެ ބައިގައި އޭގެ އެއްވެސް އެކްޓަރެއް ނުހިމެނެވެ. މުޅި ފިލްމގެ ކާސްޓް ލައިންވަނީ ބަދަލުކޮށްފައެވެ.
މި ރޮމޭންޓިކް ކޮމެޑީގައި މިފަހަރު ލީޑް ރޯލުން ފެނިގެންދަނީ އަޔުޝްމަން ކުރާނާއެވެ. އޭނާއާއި އެކު ދެން ހިމެނެނީ ރަކުލް ޕްރީތު ސިންގާއި ވަމީގާ ގައްބީގެ އިތުރުން ސާރާ އަލީ ހާންއެވެ.
މި ފިލްމުގައި އަޔުޝްމާން ފެނިގެންދަނީ "ޕްރަޖާޕަތީ ޕާންޑޭ" ކިޔާ ފޮރެސްޓް އޮފިސަރެއްގެ ރޯލުންނެވެ. ފިލްމު ބިނާކޮށްފައިވަނީ އަޔުޝްމާން އޭނާގެ އަންހެން ރަހުމަތްތެރިއަކަށް އެހީވާން އުޅުމުގެ ތެރޭގައި ދިމާވާ ހެއްވާ މަޖާ ހާދިސާތަކެއްގެ މައްޗަށެވެ.
