އެމްއެންޑީއެފުން ބުނީ ރޯވެފައި ވަނީ ހުޅުމާލެއާއި ކުރުނބާ މޯލްޑިވްސް ރިޒޯޓާ ދޭތެރޭ އޮތް "އެމްޕެރާ އެކްސްޕްލޯރާ" ކިޔާ ސަފާރީއެއްގައިކަމަށެވެ. އަދި އެމްއެންޑީއެފް މާލެ އޭރިއާ ކޮމާންޑް، ހުޅުމާލޭ ފަޔާ ސްޓޭޝަނުން ހަރަކާތްތެރިވަމުންދާކަމަށެވެ.
އެނގިފައިވާ ގޮތުގައި އެ ސަފާރީއަކީ ރައްޔިތުން މަޖިލީހުގެ އިނގިރައިދޫ ދާއިރާގެ މެމްބަރު އަދި ސަރުކާރު ހިންގާ ޕީއެންސީގެ ޕާލިމެންޓްރީ ގްރޫޕްގެ ލީޑަރު އިބްރާހިމް ފަލާހުގެ ސަފާރީއެކެވެ.
ފުލުހުން ބުނީ ހުޅުމާލެ ފަޅު ބޭރުގައި އަޅާފައި އޮތް އުޅަނދެއްގައި އަލިފާން ރޯވެގެން އުޅޭ ކަމުގެ ރިޕޯޓު ލިބިފައިވަނީ މިއަދު ހަވީރު 16:55 އެހައިކަންހާއިރުއެވެ.
