ފުލުހުންގެ ބުނީ މި އެކްސިޑެންޓްގެ މައުލޫމާތު ފުލުހުންނަށް ރިޕޯޓުކޮށްފައިވަނީ މިރޭ 10:12 އެހައިކަންހާއިރު ކަމަށެވެ.
އެ އެކްސިޑެންޓުގައި މަރުވީ ދެވާ ރަޖަން ޔެސޫ ދަސަން ކިޔާ ފިރިހެނެކެވެ. އޭނާއަކީ އައިލެންޑް އޭވިއޭޝަންގެ ޑްރައިވަރެއްގެ ވަޒީފާގައި އުޅޭ މީހެކެވެ. އޭނާ އެތަނުގައި އޭނާ މަސައްކަތްކުރާތާ 10 ވަރަކަށް އަހަރުވެދާނެކަަމަށް ބައެއް މީހުން ބުނެއެވެ.
މި އެކްސިޑެންޓް ހިނގާފައިވަނީ ހައިވޭ، ހުޅުމާލެއިން މާލެ އަށް ދަތުރުކުރާ ފަޅި، އެއާޕޯޓު ލައިޓް ކައިރީގައިކަމަށް ފުލުހުން ބުނެއެވެ.
އެކްސިޑެންޓް ހިނގަން މެދުވެރިވީ ސައިކަލެއް ކަހާލައިގެން ވެއްޓުނު ވަގުތު، އެ ސަރަހައްދުން ދަތުރުކުރި ލޮރީއެއް ދަށުވެއެވެ. އެލޮރީއަކީ އެމްޑަބްލިއުއެސްސީގެ ފެން ލޮރީއެކެވެ. އަދި އެމީހާ ހޮސްޕިޓަލަށް ގެންދިޔައިރުވެސް މަރުވެފައިވާކަން ވަނީ އެނގިފައެވެ.
