އެމްއެންޑީއެފުން ބުނީ ވ.އަތޮޅަށް ޑައިވިނަށް ގޮސް އުޅެނިކޮށް ގެއްލުނު ފަސް ޑައިވަރުންގެ ތެރެއިން އެކެއްގެ ހަށިގަނޑު ފެނިފައިވާކަމަށާއި އެ ހަށިގަނޑު ފެނިފައިވަނީ ގާތްގަނޑަކަށް 60 މީޓަރުގެ އަޑިން ކޭވްއެއްގެ ތެރެއިންކަމަށެވެ. އަދި ބާކީ ތިބި ހަތަރު ޑައިވަރުން ވީކަމަށް ލަފާކުރެވެނީ، ދިގުމިނުގައި ގާތްގަނޑަކަށް 200 ފޫޓު ހުންނަ މި ކޭވްގެ ތެރޭގައިކަމަށްވެސް އެމްްއެންޑީއެފުން ބުނެއެވެ.
ގެއްްލިގެން ހޯދަމުން އަންނަ 4 މީހުން ހޯދުމުގެ އޮޕަރޭޝަނަކީ ނުރައްކާތެރި ހައިރިސްކް އޮޕަރޭޝަނެއްކަމަށް ސިފައިން ބުނެއެވެ.
މި އޮޕަރޭޝަން ނިމެންދެން އެމްއެންޑީއެފް ކޯސްޓްގާޑް ޝިޕް ގާޒީ އެ ސަރަޙައްދުގައި ހަރަކާތްތެރިވާނެކަމަށްވެސް އެމްއެންޑީއެފްއިން ބުނެއެވެ.
މި ހާދިސާގައި ގެއްލުނު މީހުންގެ ތެރެއިން ފެނުނު މީހާގެ ހަށިގަނޑު ފެނިފައިވަނީ، އެމީހުން ހޯދުމުގެ މަސައްކަތުގައި ހަރަކާތްތެރިވި ސަފާރީގެ ޑައިވަރުންނަށް، މިއަދުގެ 18:13 ހާއިރު މޫދު އަޑިންކަމަށް އެމްއެންޑީއެފުން ބުނެއެވެ. އެމީހާގެ ހަށިގަނޑު މިހާރުވަނީ ވ.ފުލިދޫ ހެލްތު ސެންޓަރަށް ގެންގޮސްފައިކަމަށް އެމްއެންޑީއެފުން ބުނެއެވެ.
