އެމްޑީޕީން ބުނީ ރާއްޖެއިން ބޭރުގެ ތިން ޤައުމެއްގައި 50 މެންބަރުން ރީ-ރަޖިސްޓްރީކޮށްފި ކަމުގަވަނީނަމަ، ފޮށި ބެހެއްޓުމަށް އިލެކްޝަން ކޮމިޓީ ނިންމާފަވާތީ އެކަމަށް ފުރުސަތު ހުޅުވާލާފައިވާކަމަށެވެ. ވޯޓް ފޮށި ބަހައްޓަން ނިންމާައިވަނީ އިންޑިޔާގެ ޓްރިވެންޑްރަމް، ސްރީލަންކާގެ ކޮލޮމްބޯ އަދި މެލޭޝިޔާގެ ކުއަލަލަންޕޫރުގައިކަމަށް އެމްޑީޕީން ބުނެއެވެ.
ރީ-ރަޖިސްޓްރޭޝަންގެ މުއްދަތު ހަމަވާއިރު 50 މެންބަރުން ހަމަނުވާ ޤައުމުތަކަށް ރީ-ރަޖިސްޓްރީކުރާ މެންބަރުން ވޯޓުލާ ތަން ކަމުގައި ވާނީ މިހާރު އިއުލާންކުރެވިފައިވާ ލިސްޓްގައިވާ ތަންކަމަށް އެމްޑީޕީން ބުނެއެވެ. ވީމާ، ރީ-ރަޖިސްޓްރީވާން އެދޭ މެންބަރުން މިމަހުގެ 22 ވާ ހުކުރު ދުވަހުގެ 14:00 ގެ ކުރިން ގޫގުލް ފޯމް މެދުވެރިކޮށް ރީ ރެޖިސްޓްރީކުރުމަށް އެމްޑީޕީން ވަނީ އިއުލާންކޮށްފައެވެ.
އިދިކޮޅު އެމްޑީޕީގެ ޗެއާޕާސަން އިންތިހާބު އޮންނާނީ އަންނަމަހުގެ 12ގައެވެ.
ޗެއާޕާސަން އިންތިހާބުގައި ވާދަކުރާ ކެންޑިޑޭޓުން ނަން ތަރުތީބުކޮށްފައި
މި އިންތިހާބުގައި މީކާއިލްއަށް ތާއީދުކުރައްވާކަން ކުރީގެ ރައީސް އިބްރާހިމް މުހައްމަދު ސާލިހާއި ރައްޔިތުން މަޖިލީގައި ތިއްބަވާ އެމްޑީޕީގެ 12 މެމްބަރުން ވަނީ އިއުލާންކޮށްފައެވެ.
