ނަޒީރު މިފަދައިން ވިދާޅުވިއިރު، ވެރިކަން ކުރާ ޕީއެންސީއާ އެކު މަސައްކަތްކުރަން އަދާލަތު ޕާޓީން މިފަހުން ވަނީ ނިންމާފަ އެވެ. ސަބަބެއް ކަމަށް ބުނީ އިސްލާމް ދީނުގެ ކަންކަން ހަރުދަނާކޮށް ރާއްޖޭގެ ސިޔާދަތާއި މިނިވަންކަން ދިފާއުކުރުމަށް މި ސަރުކާރުން ކުރާ މަސައްކަތްތައް ބަލައިގަނެ، އެކަމުގައި ބައިވެރިވުމަށް ކަމަށެވެ.
ނަޒީރު މިއަދު ސޯޝަލް މީޑިއާގައި ވިދާޅުވީ މި ވަގުތު ޢަދާލަތު ޕާޓީގެ މެންބަރެއްގެ ގޮތުގައި އިތުރަށް ދެމިހުރުމަކީ ހިޔާނާތެއް ކަމަށް ފެންނާތީ ޕާޓީން ވަކިވެވަޑައިގެންފައިވާ ކަމަށެވެ.
އިލެކްޝަން ކޮމިޝަންގެ ދަފްތަރުގައިވާ ގޮތުން އަދާލަތު ޕާޓީގައި މިހާރު ތިބީ 5،608 މެންބަރުންނެވެ.
ޕީއެންސީއާ އެކު އަދާލަތު ޕާޓީން ކޯލިޝަން ހަދާފައިވާއިރު، ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި އެ ޕާޓީގެ އޮތީ އެ ސަރުކާރާ އެކު ކޯލިޝަންގަ އެވެ.
އޭގެކުރިން ކުރީގެ ރައީސް މުހައްމަދު ނަޝީދާއި ކުރީގެ ރައީސް އަބްދުالله ޔާމީންގެ ސަރުކާރުގައި ވެސް އަދާލަތު ޕާޓީގެ ބައިވެރިވުން އޮތެވެ.