ads
ހިމަބިހީގެ ވެކްސިން ޖަހަން ތައްޔާރުވަނީ -- ފޮޓޯ: އޭއެފްޕީ
ހިމަބިހި ޖެހިފައިވާ މީހެއްގެ ރިޕޯޓެއް މިދިޔަ ހަފުތާގައި ނެތް!
މިދިޔަ ހަފްތާގައި ހިމަބިއްސަށް އިތުރު މީހަކު ޕޮޒިޓިވްވެފައި ނުވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
Advertisement

މި އަހަރުގެ މެއި މަހުގެ ތެރޭގައި ރާއްޖޭގައި ހިމަބިހި ފެތުރެން ފެށިއިރު، ކޮންމެ ހަފުތާއެކު ގިނަ އަދަދެއްގެ ކޭސްތައް ފެނުނެވެ.

އެކަމަކު މަޑުމަޑުން ބަލިޖެހިފައިވާ މީހުންގެ އަދަދު މަދުވަމުން ގޮސް މިދިޔަ ހަފްތާގައި ބަލި ޖެހިފައިވާ އެކަކު ވެސް ފެނިފައި ނުވާ ކަމަށް އެޗްޕީއޭ އިން ބުންޏެވެ.

މި އަހަރުގެ ޖެނުއަރީން ފެށިގެން 291 މީހަކަށް އެ ބަލި ޖެހިފައިވާއިރު، މިހާތަނަށް ބަލިން ރައްކާތެރިވުމަށް 17،575 ވެކްސިން ޖަހާފައިވާ ކަމަށް އެޗްޕީއޭއިން ހާމަކުރެ އެވެ.

އަވައްޓެރި ގައުމުތަކާއި ދުނިޔޭގެ އެކި ބައެެއް އެހެން ސަރަހައްދުތަކުގެ ގައުމުތަކުގައި ވެސް މި ދުވަސްވަރު ހިމަބިހި ދަނީ ފެތުރެމުންނެވެ. މި ބައްޔަކީ ރާއްޖެ އިން ނައްތާލާފައިވާ ކަމަށް 2017 ގައި ކަނޑައަޅާފައިވާ ބައްޔެކެވެ.

ހިމަބިހިން ރައްކާތެރިވުމަށް 

  • ހުން އައިސް ގައިގައި ރަތް ބިހިތަކެއް ނަގާފައިވާ ނަމަ ލަސްނުކޮށް ސިއްހީ އެހީ ހޯދަން ހޮސްޕިޓަލަށް ދިއުން. ހޮސްޕިޓަލަށް ދާއިރު މާސްކު އަޅައިގެން ދިއުން އަދި އާއްމު ދަތުރުފަތުރު ބޭނުން ނުކުރުން.
  • ހިމަބިއްސަށް ޝައްކުކުރެވިގެން ޓެސްޓް ހަދައިފި ނަމަ، ނަތީޖާ ލިބެންދެން އެކަހެރިވެގެން ހުރުން.
  • ބަލީގެ އަލާމާތެއް ހުރި ނަމަ ގިނަ މީހުން އެއްވެ އުޅޭ ތަންތަނަށް ނުދިއުން.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް