ބޮޑެތި ޑޭޓާ ޕެކްތަކާއި ވެލިޔު ޝެއާ ޕެކްތަކުން ފެށިގެން މަގޭ ޕްލޭންތަކަށް ލިބޭ އިތުރު ބޯނަސްތަކާ އެކު، މި އީދު އޮފާތައް ފަރުމާކޮށްފައި ވަނީ، ކޮންމެ މީހަކަށް ވެސް ގުޅުން ބަދަހިކޮށް، މަޖާކޮށް، ޝެއާކޮށް އަދި ހަލުވި ސްޕީޑްގެ ތަޖުރިބާތައް ގެނެސްދިނުމަށެވެ.
މި ހާއްސަ އޮފާގައި ބޮޑު އީދުގެ ފޯރިގަދަ ވަގުތުތައް، އާއިލާ އާއި ރައްޓެހިންނަށް ހިއްސާކުރުމަށް 26 ޖީބީ ޑޭޓާ 1 ގަޑިއިރަށް ނެންގެވޭނެ އެވެ. އެންމެ 20 ރުފިޔާއަށް ނެންގެވޭ މި ޕެކް، ޝޯޝަލް މީޑިއާގައި ވަގުތުން ސްޓްރީމް ކުރުމަށާއި، ފޮޓޯ އަދި ވީޑިޔޯ ޝެއާ ކުރުމަށް ބޭނުންކުރެވޭނެ އެވެ.
ޕްރީޕެއިޑް ކަސްޓަމަރުންނަށް ހާއްސަ 100 ޖީބީ ޕެކްތަކާއެކު، މި އޮފާގައި ގާތް މީހުންނާ ހިއްސާ ކުރެވޭ ގޮތަށް އަދި އަމިއްލަ ބޭނުމަށްވެސް މި ޕެކްތައް ލިބެން ހުންނާނެ އެވެ.
މި ޖުމްލަ 100 ޖީބީގެ ތެރެއިން، އަމިއްލަ ބޭނުންތަކަށް 40 ޖީބީ އަދި ދެ މީހަކާ ހިއްސާ ކުރުމަށް 60 ޖީބީ ލިބިގެންދާނެ އެވެ. ޝެއާކުރާ ޑޭޓާ ބަހާލެވޭނީ 2 ޕްރީޕެއިޑް ނަންބަރަށް - ކޮންމެ މީހަކަށް 30 ޖީބީ އެވެ.
ޢީދުގެ ހަދިޔާއެއްގެ ގޮތުގައި ގާތް ބޭފުޅުންނަށް ޑޭޓާ ޕެކް ހަދިޔާކުރައްވައިގެން އިތުރު އިނާމުތަކެއް މި އީދުގައި ހޯދުމުގެ ފުރުސަތުވެސް އުރީދޫ އިން ވަނީ ހުޅުވައިލައިފަ އެވެ. މި ގޮތުން ހަދިޔާ ކުރާ ކޮންމެ ޑޭޓާ ޕެކަކާއި އެކު، ހިލޭ ޑޭޓާ ލިބިގެންދާނެ ކަމަށް އުރީދޫ އިން ބުންޏެވެ.
މި އޮފާ ފެށޭނީ އަޟްހާ އީދު ދުވަހުން ފެށިގެން، ޢީދު ނިމެންދެން ކަމަށް އުރީދޫ އިން ބުނެފައިވެ އެވެ.
މަގޭ ޕްލޭން އެކްޓިވޭޓް ކުރާ ފަރާތްތަކަށް ހާއްސަ އީދު ހަދިޔާއެއްގެ ގޮތުގައި އިތުރު 25 ޕަސެންޓް ބޯނަސް ޑޭޓާ ލިބިގެންދާނެ ކަމަށް އުރީދޫ އިން ވަނީ ބުނެފަ އެވެ.
އުރީދޫން ބުނީ އަޟްހާ އީދު ފާހަގަކުރާއިރު، ކަސްޓަމަރުންނަށް ގުޅިފައި ތިބުމަށާއި، އުފާވެރިކަން ހިއްސާކުރުމާއި، ހަލުވި ސްޕީޑްގެ ޑިޖިޓަލް ހިދުމަތްތައް ތަޖުރިބާކުރުމުގެ ފުރުސަތުތައް ފަހިކޮށްދިނުމަކީ އެ ކުންފުންޏަށް ލިބޭ ވަރަށް ބޮޑު އުފަލެއް ކަމަށެވެ.
އަދި އީދު ފަދަ މުހިންމު މުނާސަބަތުތަކުގައި މިފަދަ ހާއްސަ އޮފާތައް ކަސްޓަމަރުންނަށް ފަހިކޮށްދިނުމަކީ އުރީދޫއަށް ލިބޭ ވަރަށް ބޮޑު އުފަލެއް ކަމަށް ވެސް އެ ކުންފުނިން ބުންޏެވެ.
ކަސްޓަމަރުންނަށް ސީދާ އުރީދޫ އެޕް މެދުވެރިކޮށް މި އޮފާތައް އެކްޓިވޭޓް ކޮށްލެވޭނެ އެވެ.
