ދިވެހިން އެންމެ ގިނައި އޮންލައިން ވިޔަފާރިކުރަމުން އަންނަ ޝީއިން އާއި ޓީމޫ ފަދަ ވެބްސައިޓްތަކުން ވިޔަފާރިކުރެވޭ މިންވަރު ވަކި އަދަދެއް ކަނޑައަޅަން ބީއެމްއެލް އިން ނިންމުމުން އެކަމާއި ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ.
އެކަމާއި ގުޅިގެން މިއަދު ނޫސްވެރިއަކަކު ކުރި ސުވާލަކަށް ޖަވާބު ދެއްވަމުން ރަޢީސް މުއިއްޒު ވިދާޅުވީ ބޭންކުން ކުޑަ ލިމިޓްތަކެއް ކަނޑައެޅީ ބޭންކަށް ދަތިތަކެއް ދިމާވާތީކަމަށެވެ. އެހެންނަމަވެސް އެކަން މި މަސްނިމޭއިރު ރަނގުވެގެންދާނެކަމަށް ބޭންކުން ހާމަކޮށްފައިވާކަމަށް ރައީސް މުއިއްޒު ވިދާޅުވިއެވެ.
ބޭރުގެ ސައިޓްކަުން ވިޔަފާރިކުރުމަށް ބޭންްކުން ދުވާލަކު ވަކިވަރެއްގެ ބަޖެޓެއް ކަނޑައަޅާފައިވާކަމަށާއި އެ އަދަދު ހަމަވުމުން ސައިޓްތަކުން އެދުވަހަކު ވިޔަފާރި ރާއްޖެއިން ނުކުރެވޭނެކަމަށް ބީއެމްއެލުން ވަނީ ބުނެފައެވެ. ބޭންކުން ދޫކޮށްފައިވާ ރުފިޔާ ކާޑުތަކުން ރާއްޖެއިން ބޭރުގެ އީކޮމާސް އަދި އޮންލައިން ރީޓެއިލް ސައިޓްތަކުން މުއާމަލާތްކުރެވޭ ގޮތަށް ބަދަލެއް ގެންނަން ޖެހުނީ މެދު އިރުމަތީގެ މަސްރަހާ ގުޅިގެން ފަތުރުވެރިން ރާއްޖެ އަންނަ އަދަދު ދަށްވެ، ބޭންކް އޮފް މޯލްޑިވްސްއަށް ގަންނަން ލިބޭ ބޭރު ފައިސާގެ އަދަދަށްވުރެ ނިސްބަތުން ވަރަށް ބޮޑު އަދަދެއްގެ ޑޮލަރު މިފަދަ މުއާމަލާތްތައް ފުރިހަމަކުރުމަށް ބޭންކުން ވިއްކަން ޖެހިފައިވާތީކަމަށް ބޭންކުން ބުނެއެވެ.
