ފުލުހުން ބުނީ ބަދުއަހުލާގީ އަމަލުތަކެއް ހިމެނޭ ކަމަށް ތުހުމަތު ކުރެވޭ ވީޑިއޯއެއް ވައިބާ ގްރޫޕެއްގައި ހިއްސާކުރި މައްސަލައެއް މިދިޔަ ހަފުތާގެ ބުދަ ދުވަހު ރިޕޯޓު ކޮށްފައިވާކަމަށެވެ. އެ މައްސަލައިގެ ތަހުގީގުގެ ތެރެއިން އެ ވީޑިއޯ ފެތުރި މައްސަލަ އާއި އެ ވީޑިއޯގައި ހިމެނޭ ކަމަށް ތުހުމަތު ކުރެވޭ ކަންކަން ވެސް ބަލަމުން އަންނަ ކަމަށް ފުލުހުން ބުންޏެވެެ.
ގޮއިދޫގައި ހުންނަ ހަމައެކަނި މިސްކިތުގެ އިމާމުކަންވެސް ކުރާ އެ މީހާއަކީ ހާފިޒެކެވެ. އަދި އޭނާގެ އާއްމުވެފައިވަނީ އެއް ޖިންސުން ގުޅުން ހިންގާ ވީޑިއޯއެކެވެ. އެ ވީޑިއޯ އާއްމުވެފައިވަނީ ގޮއިދޫގެ ގިނަ ބަޔަކު ތިބޭ ވައިބާ ގްރޫޕެއްގައެވެ.
