ރާއްޖޭގެ މަލްޓި ޕާޓީ ސިސްޓަމް ތައާރަފުވެ އުފެދުނު އެންމެ ފުރަތަމަ ޕާޓީގެ ގޮތުގައި އެމްޑީޕީ އުފެދި ރަޖިސްޓްރީ ކުރީ 2005 ވަނަ އަހަރުގެ ޖޫން މަހުގެ 26 ވަނަދުވަހުއެވެ.
އެމްޑީޕީގެ 21 ވަނަ އަހަރީ ދުވަހާއި ގުޅުވާ އެކްސްގައި ކުރެއްވި ޕޯސްޓެއްގައި އެޕާޓީގެ ކުރީގެ ޗެއާޕާސަން ފައްޔާޒު އިސްމާއިލް ވިދާޅުވީ މިއަދު ޕާޓީން ފެންނަ އެންމެ އުފާވެރި މަންޒަރަކީ ޕާޓީގެ ސަފުތައް ބަދަހިކަމާއެކު ރުކުރުވާލެވިފައިވާ މަންޒަރުކަމަށެވެ. އަދި ހުދުމުހުތާރު ސަރުކާރެއްގެ މައްޗަށް ކުރިހޯދުމަށް އެމްޑީޕީ ތައްޔާރުވެފައި އޮތް މަންޒަރުވެސް ފެންނަކަމަށް ފައްޔާޒު ވިދާޅުވިއެވެ.
ރައްޔިތުންގ އުއްމީދުތައް ގުޅިފައިވަނީ އެމްޑީޕީއާ ކަން ފާހަގަކުރައްވަމުން ފައްޔާޒު ވިދާޅުވީ ރާއްޖޭގެ އެންމެ ވަރުގަދަ ސިޔާސީ މުއައްސަސާއަށް އެމްޑީޕީ ވެފައިވަނީ ހައްގާއި އިންސާފުގެ މަގުގައި ދެމިތިބުމުންކަމަށެވެ.
އެމްޑީޕީގެ 21 ވަނަ އަހަރީ ދުވަސް ފާހަގަކުރުމަށް ބޭއްވި ކޭކުފެޅުމުގެ ތެރެއިން
އެމްޑީޕީގެ 21 ވަނަ އަހަރީ ދުވަސް ފާހަގަކުރުމަށް އެޕާޓީން މިއަދު ވަނީ ދިދަ ނެގުމުގެ ރަސްމިއްޔާތެއް ބާއްވާފައެވެ.
