އިލެކްޝަންސް ކޮމިޝަންގެ ރައީސްގެ މަގާމު ހުސްވީ ކުރިން އެ މަގާމުގައި ހުންނެވި އަހްމަދު ޒިޔާދު އިސްތިއުފާ ދެއްވުމާ ގުޅިގެންނެވެ.
މިދިޔަ ހަފްތާގެ ބުދަ ދުވަހު އީސީގެ މެންބަރުކަމަށް އައްޔަން ކުރެއްވި ޝަކީލް، އީސީގެ ރައީސަކަށް އައްޔަން ކުރަން ރައީސް މުހައްމަދު މުއިއްޒު މަޖިލީހަށް ފޮނުއްވީ އިއްޔެ އެވެ. އަދި ރައީސް އެދިވަޑައިގެންނެވި ގޮތަށް އެ މަގާމަށް އޭނާއަށް ރުހުން ދޭން މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން އިއްޔެ ވަނީ ނިންމާފަ އެވެ.
މިއަދުގެ މަޖިލިސް ޖަލްސާގައި އެ ރިޕޯޓަށް ވޯޓަށް އެހުމުން، ޝަކީލް އެ މަގާމަށް އައްޔަން ކުރަން ރުހުން ދީފައިވަނީ 51 މެންބަރުންގެ ތާއީދާ އެކު އެވެ. ދެކޮޅަށް ވޯޓު ދެއްވީ އަށް މެންބަރުންނެވެ.
އިލެކްޝަންސް ކޮމިޝަންގެ މެންބަރުކަމަށް ޝަކީލް އައްޔަންކުރުމަށް ރައްޔިތުންގެ މަޖިލީހުން ރުހުން ދިނީ މިމަހުގެ 23 ވަނަ ދުވަހު އޮތް މަޖިލީހުގެ ޖަލްސާގައެވެ. އޭނާ ކޮމިޝަންގެ މެންބަރުކަމަށް އައްޔަންކުރީ މިމަހުގެ 24 ވަނަ ދުވަހު އެވެ.
