ads
ފޮތްތަކެއް-
ގޭގައި ތިބޭ އިރު ކިޔާލަން ރަނގަޅު ބައެއް ވާހަކަތައް
ގިނަ ވަގުތު ގޭގައި ހޭދަ ކުރަން ޖެހިފައިވާ މި ދުވަސްކޮޅުގައި ފޫހިފިލުވާލަން ވާހަކަ އެއް ކިޔާލުން ރަނގަޅެވެ.
Advertisement

ފެތތުރެމުންދާ ކޮވިޑް-19 ވައިރަހާއި ގުޅިގެން ގިނަ ބަޔަކު ގޭގައި ތާށިވެ، ބޭރަށް ނުނިކުމެވުމާއި ގުޅިގެން ބައެއް މީހުން ފޫހިވެ ކުރާނެ ކަމެއް ނޭނގިގެން އުޅެ އެވެ. އެގޮތުން، ގޭގައި ތިބޭ މި ދުވަސް ކޮޅުގައި ކިޔަން ބޭނުންވެފައިވާ ބައެއް ފޮތްތައް ނުވަތަ އާ ވާހަކައެއް ކިޔާލުން ކިހިނެއް ހެއްޔެވެ؟

ގޭގެ މަސައްކަތްތައް ނިންމާލުމަށް ފަހު، ވަރުބަލި ފިލުވާލަން އިށިންދެލާ ގަޑީގައި، ނުވަތަ ކުރާނެ ކަމެއް ނެތި ފޫހި ފިލުވާލަން ބޭނުންވާ ނަމަ ވާހަކަ ފޮތެއް ހިފައިގެން ޖައްސާލަމާ ހިނގާށެވެ. އެގޮތުން، މި ދުވަސްކޮޅު ކިޔާލެވޭނެ ބައެއް ވާހަކަ ފޮތް ތަކުގެ ތެރޭގައި:

  • ވޯ އެންޑް ޕީސް: މި ވާހަކަ ފޮތަކީ ކުރީގެ ރަޝިއާގެ މަގުބޫލު ވާހަކަ ލިޔުންތެރިއެއް ކަމަށްވާ ލިއޯ ޓޯލްސްޓޯއީ ލިޔެފައިވާ ވާހަކަ ފޮތެކެވެ. މި ވާހަކައަކީ ރަޝިއާ ހިސޯރަ ކުރުމަށް ނެޕޯލިއަން އެ ގައުމަށް އަރާ ކުރި ހަނގުރާމަ ކިޔައިދޭ ވާހަކަ އެކެވެ. މި ފޮތުގައި، ދަތި ދުވަސްތަކުން އަރައިގަންނާނެ ގޮތާއި އެފަދަ ހާލަތެއްގައި އުޅުމަށް ފަހު އާންމު ހާއްލަތައް ގޮސް ދެން އަމަލު ކުރާނެ ކަންތަކަށް އަލި އަޅުވާލާފައި ވެއެވެ. ލިއޯ ޓޮލްސްޓޯއީ ގެ މަޝްހޫރު ވާހަކަ ތަކުގެ ތެރޭގައި އެނަ ކެރަނީނާ ވެސް ހިމެނެ އެވެ. އެ ވާހަކަށް އަށް ބިނާ ކޮށް ހޮލީވުޑް އިން ވަނީ ފިލްމެއް ވެސް ނެރިފަ އެވެ.
  • ހެރީ ޕޮޓާ: ހެރީ ޕޯޓާ އަކީ ބޮޑު ވަމުން އައިއިރު ގިނަ ކުދިން، ކިޔާފައިވާ ވާހަކަ އެކެވެ. އަދި ވާހަކަ ފޮތް ނުކިޔާ މީހެއް ނަމަ އެ ވާހަކަ ފޮތަށް ބިނާ ކޮށް ނެރިފައިވާ ފިލްމް ގިނަ މީހުން ވާނީ ބަލާފަ އެވެ. ހެރީ ޕޮޓާ އޭ ބުނުމުން އެ ނަން ނޭނގޭނެ އެއްވެސް މީހަކު ނޫޅޭނެ އެވެ. އެގޮތުން، މި ދުވަސްކޮޅު ފޫހި ފިލުވާލަން ބޭނުން ނަމަ ހެރީ ޕޯޓާ ސީރީސްގެ ހަތް ފޮތް ކިޔާލުމުން ހަމަ ގައިމުވެސް މީހާ އުފާ ކޮށްލާ އަދި ފޫހި ފިލާނެ އެވެ. އަދި ވާހަކަ ކިޔަން ބޭނުން ނޫން ނަމަ ހެރީ ޕޮޓާ ފިލްމު ވެސް ބަލައިލެވި ދާނެ އެވެ.
  • ރޫޓްސް-ދަ ސާގާ އޮފް އެން އެމެރިކަން ފެމިލީ: މި ފޮތަކީ އެފްރިކާ ގެ ފިރިހެން ކުއްޖަކު އޭނާގެ ގައުމުން އަޅެއްގެ ގޮތުގައި އެމެރިކާ އަށް ގެންދާ ވާހަކަ އެކެވެ. އެގޮތުން، އޭރު އަޅުން ގެ ގޮތުގައި ގެންގުޅު ކުދިންނާއި، މީހުން އުޅޭން ޖެހުނު ހާލާއި އެމީހުންނަށް ކަންތައް ކޮށްފައިވާ ގޮތް އެ ވާހަކަ ފޮތުގައި އަލި އަޅުވާލާފައި ވެއެވެ. މި ވާހަކަ ފޮތަކީ އެލެކްސް ހޭލީ ލިޔެފައިވާ ވާހަކަ އެކެވެ.
  • އެލެނާ އޮލިފަންޓް އިސް ކޮމްޕްލީޓްލީ ފައިން: ގެއިލް ހަނީމޭން ގެ ފުރަތަމަ ފޮތް ކަމަށްވާ އެލެނާ އޮލިފަންޓް އިސް ކޮމްޕީލީޓްލީ ފައިން އަކީ، ކުއްޖަކު ވަރަށް ކުޑައިރު ކުރިމަތިލާން ޖެހޭ ކަމަކާއި ގުޅުވައިގެން ލިޔެފައިވާ ވާހަކަ އެވެ. އަދި ހިނގާދިޔަ ކަމާއި ގުޅިގެން އެ ކުއްޖާ ބޮޑު ވަމުން އައި އިރު، އޭނާގެ މިޒާޖާއި، އޭނާއަށް އައި ބަދަލު ތަކާއި އަދި އޭނާ އެކަމުން އަރައިގަތުމުން ކުރާ މަސައްކަތް މި ފޮތުގައިވެ އެވެ. ގިނަ ބަޔަކަށް ކަމުދިޔަ މި ފޮތަށް ފިލްމެއް ހެދުމުގެ މަސައްކަތް މިހާރު ކުރިއަށް އެބަ ދެއެވެ.
  • ދަ ސްޓޭންޑް: ބިރުވެރި ހިތް ނުތަނަވަސް ކޮށްލާ ކަހަލަ ވާހަކަ ލިއުމަށް މަޝަހޫރު ސްޓީވަން ކިންގް ލިޔުން ދަ ސްޓޭންޑް ބިނާ ކޮށްފައި ވަނީ ގޮތް ނޭނގޭ ވައިރަހަކަ ށެވެ. އަދި އެ ވައިރަސް ފެތުރެން ފެށުމާއި ގުޅިގެން، ދުނިޔޭގެ އާބާދީގެ ގިނަ އަދަދެއްގެ ބަޔަކު ވައިރަހުގެ ސަބަބުން ނެތިގެން ދެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް