މި ފިލްމަކީ ޔާޝް ރާޖް ފިލްމްސްގެ މަޝްހޫރު ސްޕައި ޔުނިވާސްގެ ތެރެއިން އަންހެން ބަތަލާއަކު މައިގަނޑު ރޯލުން ފެންނަ ފުރަތަމަ އެކްޝަން ފިލްމަށް ވާތީ، މިއީ ގިނަ ބަޔަކު ބަލަން ކެތްމަދުވެފައިވާ ފިލްމެކެވެ.
ފިލްމުގެ ސްކްރީނިން އިވެންޓަށް އާލިއާ ހާޒިރުވީ ވަރަށް ސާދާ އަދި އެހާމެ ފުރިހަމަ ހެދުމެއްގައެވެ. އޭނާގެ މި ފެނިލުމުގެ ފޮޓޯތަކާއި ވީޑިއޯތައް ސޯޝަލް މީޑިއާގައި ވަރަށް ބާރަށް ދައުރުވަމުންދާއިރު، ފިލްމީ ދާއިރާގެ ގިނަ ބަޔަކާއި ސަޕޯޓަރުން ދަނީ އާލިއާގެ ސިފައަށާއި އޭނާ ފިލްމުން ދައްކާނެ އެކްޝަން ރޯލަށް ތައުރީފު ކުރަމުންނެވެ. މި ބައްދަލުވުމުގައި ފިލްމުގެ ޓީމުގެ ބައެއް އިސް ފަރާތްތަކުން ވެސް ބައިވެރިވެފައިވެ އެވެ.
"އަލްފާ" ފިލްމުގައި އާލިއާ ފެންނާނީ ވަރުގަދަ ޖާސޫސެއްގެ ރޯލުން ކަމަށްވާއިރު، މިއީ އޭނާގެ ކެރިއަރުގައި ވެސް ފެންނާނެ އެންމެ ތަފާތު އެއް ފެނިލުމަށް ވާނެއެވެ. ބޮލީވުޑްގެ ހަބަރުތައް ބުނާ ގޮތުގައި މި ސްކްރީނިންއަށް ފަހު ފިލްމާ މެދު އޮތް އުންމީދުތައް ވަނީ ކުރިއަށްވުރެ ބޮޑުވެފަ އެވެ.
