މި ފޮތް ނެރުމަށް ބޭއްވި ހާއްސަ ރަސްމިއްޔާތުގައި ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވީ، މިއީ ހާއްސަ އިސްކަމެއްދީގެން ކުރިއަށްގެންދިޔަ ތައުލީމީ ތަރުބަވީ އިސްލާމީ މުހިންމު މަޝްރޫއެއް ކަމަށެވެ.
އަދި މިއީ 2021 ގައި ފެށި މަޝްރޫއެއްކަމަށާއި 65 ފޮތް ހިމެނޭ މި މަޝްރޫއުގައި ބޭބީ ނާސަރީ، ނާސަރީ، އެލްކޭޖީ އަދި ޔޫކޭޖީ މަރުޙަލާގެ ފޮތް ހިމެނޭނެކަމަށެވެ.
މި މަރުހަލާތަކުގައި ގައުމީ މަންހަޖުގައި ހިމެނޭ ހުރިގައި މާއްދާތަކެއްގެ ފޮތްތަކުގެ އިތުރުން، އިސްލާމީ އަދަބު އަހުލާގާއި އަރަބި މާއްދާއެއް ވެސް ހިމެނޭނެ ކަމުގައި މިނިސްޓަރު ވިދާޅުވި އެވެ.
މި ފޮތްތައް މުރާޖިއާކުރެވުނީ އެކި މަރުޙަލާތަކުގައި، އެކި މާއްދާތައް އެކި ބޭފުޅުންނެވެ. އެއިގެ ތެރޭގައި އުސްތާޒު އިމްތިތާއު އައްބާސް، އުސްތާޒް މުހައްމަދު ފިރުޒުލް އަދި ޝިފާޔަތު އަލީ ހިމެނެ އެވެ.
މިއަދު ނެރުނީ ބޭބީ ނާސަރީގެ 16 ފޮތެވެ. ބާކީ 49 ފޮތް ލިޔެ ނިންމާފައި ވާއިރު މިހާރު ކުރަމުންދަނީ ނެރުމުގެ މަސައްކަތް ކަމަށް ވެސް ޝަހީމް ވިދާޅުވި އެވެ.
މި ފޮތްތައް އެކުލަވައިލެވިފައިވަނީ ބެލެނިވެރިންނަށް ވެސް ގޭގައި ދަރީންނަށް ކިޔަވައި ދެވޭ ގޮތަށާއި ފައުންޑޭޝަން މަރުހަލާގައި ޕްރީ ސްކޫލުތަކުގައި ވެސް ބޭނުން ކުރެވޭ ގޮތަށެވެ.
