ކުޅިވަރަށް ހާއްސަ ލޯތްބެއް ބަހައްޓާ އެކްޓަރު ބުނި ގޮތުގައި، މެޗުތައް ބަލަން ރޭގަނޑު ދަންވަރާއި ހެނދުނާ ހޭލާ ހުންނަން ޖެހުމުން އޭނާގެ ދުވަހުގެ ތާވަލަށް ވަނީ ބޮޑު ބަދަލެއް އައިސްފައެވެ.
ރިޕޯޓުތައް ބުނާ ގޮތުގައި އަމީތާބަކީ އަބަދުވެސް ފުޓްބޯޅަ މުބާރާތްތަކަށް ވަރަށް ބޮޑަށް ޝައުގުވެރިވާ އަދި ގަވާއިދުން މެޗުތައް ބަލާ ފަރާތެކެވެ. ނަމަވެސް މިއަހަރުގެ ވޯލްޑް ކަޕް މެޗުތައް ދައްކާ ގަޑިތައް ހުރި ގޮތުން، ނިދުމާއި ހޭލުމުގެ ވަގުތުތަކަށް ބުރޫއަރައި، އޭނާގެ ދުވަހުގެ މަސައްކަތްތަކުގެ ތަރުތީބު ވަނީ ގެއްލިފައެވެ.
މިފަދަ ގޮންޖެހުންތަކެއް ކުރިމަތިވި ނަމަވެސް، ފުޓްބޯޅައަށް އޭނާގެ ހިތުގައި އޮތް ފޯރިއާއި ލޯތްބެއްގެ ބޮޑުކަމުން އެއްވެސް މެޗެއް ދޫކޮށްނުލާ ބަލަމުންދާ ކަމަށް އަމީތާބް ވަނީ ބުނެފައެވެ. ސަޕޯޓަރުން ދަނީ މި އުމުރުގައި ވެސް އަމީތާބްގެ ކިބައިން ފެންނަ ކުޅިވަރުގެ ރޫހަށާއި ފޯރިއަށް ސޯޝަލް މީޑިއާގައި ވަރަށް ބޮޑަށް ތައުރީފު ކުރަމުންނެވެ.
