އެ ގައުމުގެ މީޑިއާތަކުން ރިޕޯޓްކޮށްފައިވާ ގޮތުގައި ގާތްގަނޑަކަށް 10 މިލިއަން ރުޕީސްގެ އައިސް (ކްރިސްޓަލް މެތެމްފެޓަމީން) ލަންކާ އަށް އެތެރެކޮށް ވިއްކަން އުޅުނު ކަމުގެ ތުހުމަތުގައި ހައްޔަރުކުރީ 40 އަހަރުގެ މީހަކާއި 28 އަހަރުގެ މީހެކެވެ. އެ ދެ މީހުންނަކީ ވެސް ފިރިހެނުންނެވެ.
މީޑިއާތަކުން ބުނީ ދެ މީހުންގެ ތެރެއިން 40 އަހަރުގެ މީހާ ހައްޔަރުކުރީ ލަންކާ ފުލުހުންގެ ނާކޮޓިކްސް ބިއުރޯ (ޕީއެންބީ) ގެ ހާއްސަ އޮޕަރޭޝަނެއްގައި ބަންޑާރަނައިކަ އިންޓަނޭޝަނަލް އެއާޕޯޓުންނެވެ. އޭނަގެ އަތުން 602 ގްރާމް ކްރިސްޓަލް މެތު ފެނިފައިވެ އެވެ
މަސްތުވާ ތަކެތީގެ މައްސަލާގައި ދެވަނަ މީހާ ހައްޔަރުކުރީ އިއްޔެ ރޭ ކޮލޮމްބޯގެ ހޮޓަލެއްގެ ތެރެއިންނެވެ. އޭނަގެ އަތުން 680 މިލީގްރާމުގެ އައިސް ފެނިފައިވެ އެވެ.
މި މައްސަލައިގައި ހައްޔަރު ކުރި ދެ މީހުންގެ ވެސް 14 ދުވަހު ބަންދުގައި ބަހައްޓައިގެން ތަހުގީގު ކުރިއަށްގެންދިއުމަށް ނިގޮމްބޯ މެޖިސްޓްރޭޓް ކޯޓުން ވަނީ އަމުރުކޮށްފަ އެވެ.
