މި ދުވަސްވަރު ރާއްޖޭގެ ސަރަހައްދުގައި ހުޅަނގު މޫސުމުގެ ބާރުގަދަވެ، އާއްމުގޮތެއްގައި ވައިބާރުވެ، ކަނޑުތައް ގަދަވެ، ވިއްސާރަކުރާނެކަމަށް މޫސުމާއި ބެހޭ ގައުމީ އިދާރާއިން ވަނީ ބުނެފައެވެ. އެގޮތުން މިއަދު 50 މޭލަށް ވައިގަދަވާނެކަމަށް ލަފާކޮށް މެޓް އޮފީހުން ވަނީ ޔެލޯ އެލާޓް ނެރެފައެވެ.
މިއަދު މޫސުން ގޯސްވެ ކަނޑުމަތީގެ ބައެއް ހާދިސާތައް ހިނގާފައިވާއިރު މިނިވަން ދުވަހާއި ގުޅިގެން ކުރިއަށްގެންދާ "ސައްބީސް ކާނިވަލް" އަށް ހެދި ޓެންޓުތައްވެސް ވަޔާ ވަނީ އެއްލާލާފައެވެ. ހުޅުމާލޭ ސެންޓްރަލް ޕާކުގައި މިމަހުގެ 24 ވަނަދުވަހު ހުޅުވި މި ކާނިވަލްގެ މިއަދަކީ އެންމެ ފަހު ދުވަހެވެ. އެގޮތުން މިއަދު ހަވީރު 4:00އިން ރޭގަނޑު 11:00އާ ހަމައަށް ކާނިވަލް އޮތީ ބާއްވާގޮތަށެެވެ.
