އެ އިދާރާއިން ބުނީ ރާއްޖޭގެ އެެކި ހިސާބަށް ގުގުރުމާއި އެކު މިއަދުވެސް ވިއްސާރަކުރާނެކަމަށެވެ.
ހުލަނގުދެކުނާއި ހުޅަނގުން ގަޑިއަކު 13 މޭލާއި 23 މޭލާއި ދެމެދުގެ ބާރުމިނުގައި ވައިޖޭނެކަމަށް މެޓް އޮފީހުން ބުނެއެވެ. އަދި ވިލާގަނޑުގައި ގަޑިއަކު 40 މޭލު ބާރުމިނުގައި ވައިގަދަވުން އެކަށީގެންވާކަމަށްވެސް މެޓް އޮފީހުން ބުނެއެވެ.
ރާއްޖޭގެ ކަނޑުތައް ގަދަވާނެކަމަށާއި ރާޅުގެ އުސްމިން ހުންނާނީ 4 ފޫޓާއި 7 ފޫޓާއި ދެމެދުގައިކަމަށްވެސް މެޓް އޮފީހުން ބުނެއެވެ.
މި ދުވަސްވަރު ރާއްޖޭގެ ސަރަހައްދުގައި ހުޅަނގު މޫސުމުގެ ބާރުގަދަވެ، އާއްމުގޮތެއްގައި ވައިބާރުވެ، ކަނޑުތައް ގަދަވެ، ވިއްސާރަކުރާނެކަމަށް މޫސުމާ ބެހޭ ޤައުމީ އިދާރާއިން ވަނީ ބުނެފައެވެ.
މޫސުން ގޯސްވުމުގެ ސަބަބުން އިއްޔެ ވަނީ ކަނޑުމަތީގެ ބައެއް ހާދިސާތައް ހިނގާފައެވެ. އެގޮތުން ތިލަފުށިން ފުރައިގެން ދަތުރުކުރަމުންދިޔަ ކޮޅުވެއްޓިއެއް ގާފަރު ކައިރިޔަށް ބަންޑުން ޖަހާލާ އޭގެއިން ދަތުރުކުރަމުންދިޔަ ދެ މީހަކު ވަނީ ގެއްލިފައެވެ. އަދި މާފުށި ބޭރުގައި އޮތް ސަފާރީއެއްގެ ނަގިލި ކަހާލާ އެރަށު ނެރުމައްޗަށް އަރާ އެ ސަފާރީ ވަނީ އެއްކޮށް ފުނޑުފުނޑުވެފައެވެ.
