މެދުއިރުމައްޗާއި އަރަބި ގައުމުތަކުގައި ބޮޑު ތަރުހީބެއް ހޯދާފައިވާ މި ފިލްމު އިންޑިއާގައި ރިލީޒްކުރުމަށް ހަމަޖެހިފައިވަނީ 21 އޯގަސްޓް 2026 ގައެވެ.
މި ފިލްމުގެ ހިންދީ ޓްރޭލާ ސަލްމާން ހާން ވަނީ ސޯޝަލް މީޑިއާގައި އާންމުކޮށްފައެވެ. "ބެޑް ބޯއިސް" ފްރެންޗައިޒްގެ ޑައިރެކްޓަރުން ކަމަށްވާ އާދިލް އެލް އަރްބީ އަދި ބިލާލް ފަލާހް ޑައިރެކްޓްކޮށްފައިވާ މި ފިލްމަކީ ގާތްގަނޑަކަށް 330 ކުރޯޑު އިންޑިއަން ރުޕީސްގެ ބޮޑު ބަޖެޓަކުން އުފައްދާފައިވާ ފިލްމެކެވެ.
މި ފިލްމުގައި ސަލްމާން ހާންގެ އިތުރުން ބޮލީވުޑްގެ މަޝްހޫރު އެކްޓަރު ސަންޖޭ ދަތު އަދި އިޓަލީގެ މަޝްހޫރު ތަރި މޮނިކާ ބެލޫޗީ ހާއްސަ ފެނިލުމަކުން ފެނިގެންދާނެއެވެ.
"ސާޖަން" އަދި "ޗަލް މޭރޭ ބާއީ" އަށްފަހު ސަލްމާން ހާން އާއި ސަންޖޭ ދަތު އެކުގައި އެކްޝަން ފިލްމަކުން ފެނިގެންދާ މިއީ ފުރަތަމަ ފަހަރެވެ.
