ކޯޓުން މި އަމުރު ނެރުނީ ހުޝީ ކަޕޫރުގެ އަމިއްލަ ހައްގުތަކާއި ސޫރަ ހިމާޔަތްކުރުމުގެ ގޮތުން ހުށަހެޅި މައްސަލައަކާ ގުޅިގެންނެވެ.
މި މައްސަލައިގައި ކޯޓުން ބުނީ، ހުޝީ ކަޕޫރުގެ ހުއްދައެއް ނެތި އޭއައި ނުވަތަ ޑީޕްފޭކް ޓެކްނޮލޮޖީ ބޭނުންކޮށްގެން އޭނާގެ ފޮޓޯއާއި ވީޑިއޯތައް ބަދަލުކޮށް، ހުތުރު ގޮތްގޮތަށް އާންމުކުރުމަކީ އޭނާގެ އަބުރާއި އިއްޒަތަށް ލިބޭ ބޮޑު އުނިކަމެއް ކަމަށެވެ. އަދި އޭނާގެ ނަމާއި ސޫރަ ބޭނުންކޮށްގެން ވިޔަފާރި އުފެއްދުންތައް އިޝްތިހާރުކުރުމާއި، ސޯޝަލް މީޑިއާގެ އެކި ޕްލެޓްފޯމްތަކުގައި ސައްހަ ނޫން މައުލޫމާތު ފެތުރުން ވަނީ ވަގުތުން މަނާކޮށްފަ އެވެ.
ދިއްލީ ހައި ކޯޓުގެ މި އަމުރާއެކު، ސޯޝަލް މީޑިއާ ޕްލެޓްފޯމްތަކާއި، ވެބްސައިޓްތައް އަދި ޓެލެކޮމް ހިދުމަތްދޭ ކުންފުނިތަކަށް ވަނީ ހުޝީ ކަޕޫރުގެ ހުތުރު ފޮޓޯއާއި ވީޑިއޯތައް ހުރި ލިންކްތައް ވަގުތުން ނަގައި ބްލޮކްކުރުމަށް އަންގައިފަ އެވެ. މިއީ އޭއައި ޓެކްނޮލޮޖީ ނާޖާއިޒު ގޮތުގައި ބޭނުންކޮށްގެން ސެލެބްރިޓީންގެ އަބުރު ގެއްލުވާލުމާ ދެކޮޅަށް އެޅުނު މުހިންމު ފިޔަވަޅެކެވެ.
