ރައްޔިތުން މަޖިލީހުގައި ވާހަކަ ދައްކަވަމުން މިނިސްޓާރު ޒަރޫީރު ވިދާޅުވީ ކުންފުނިތަކުގެ މުވައްޒަފުން ގިނަވުމުން މުސާަރަ ދިނުމަށް ގޮންޖެހުންތައް ކުރިމަތިވެފައިވާ ކަމަށެވެ. އެހެންކަމުން މުވައްޒަފުން މަދުކުރުމުގެ މަސައްކަތް ކުރަމުން އަންނަ އިރު ވަކިކުރާ ކޮންމެ މުވައްޒަފަކަށްވެސް ގޮތެއް ހޯދައިދޭން ސަރުކާރުން މަސައްކަތް ކުރަމުން އަންނަކަމަށް މިނިސްޓަރު ޒަރީރު ވިދާޅުވިއެވެ.
އެގޮތުން ވަޒީފާއިން ވަކިކުރާ މުވައްޒަފުންނަށް ރިޑެންޑެންސީ ޕެކޭޖުތައް ހަދާފައިވާކަމަށް ޒަރީރު ވިދާޅުވި އެވެ. އެގޮތުން ވަޒީފާގައި ހޭދަކުރި މަުއްދަތައް ބަލާ ޕެކޭޖްތައް ހަދާފައިވާކަމަށް މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ ވަޒީފާއިން ވަކިކުރާ މުވައްޒަފުން ވިޔަފާރި ފެށުމަށް ކުމަދިގެ ނަމުގައި ފަންޑެއް ހަދާ އެ ފަންޑަށް 600 މިލިއަން ރުފިޔާ ޖަމާކޮށްފައިވާކަމަށް މިނިސްޓަރު ޒަރޫރު ވިދާޅުވި އެވެ. އަދި އަމިއްލަ ވިޔަފާރިއެއް ފަށަން ބޭނުންވެ އެކަމަށް ޕްރޮޕޯޒަލް ހުށައެޅި އެސްއެމްއީ ޑިޖިޓަލް މެދުވެރިކޮށް އެކަމަށް ފުރުސަތު ލިބޭނެކަމަށް މިނިސްޓަރު ވިދާޅުވި އެވެ. އަދި ބިޒްނަސް ޕްރޮޕޯސަލް ހަދަން ނޭގޭ ފަރާތްތަކަށް މިނިސްޓްރީން އެހީތެރިކަން ދޭނެކަމަށްވެސް ފިނޭންސް މިނިސްޓަރު ޒަރީރު ވިދާޅުވި އެވެ.
މިނިސްޓަރު ވިދާޅުވީ ރިޑަންޑަންޓް ކުރުމުގެ ބަދަލުގައި ވަޒީފާއިން ވަކިކުރާ ކޮންމެ މުވައްޒަފަކަށްވެސް ސަރުކާރުން ގޮތެއް ހޯދައިދޭނެކަމަށެވެ. ސަރުކާރުގެ އަމާޒަކީ ކާންދިނުމުގެ ބަދަލުގައި ކެވޭނެ ގޮތެއް ހޯދައިދިނުންކަމަށްވެސް މިނިސްޓަރު ޒަރީރު ވިދާޅުވިއެވެ.
ވަކިކުރާ މުވައްފުން ވިޔަފާރި ފަށަން 600 މިލިއަން، އަމާޒަކީ ކާންދިނުމުގެ ބަދަލުގައި ކެވޭނެ ގޮތެއް ހެދުން: ޒަރީރު
