ޖޭއެސްސީން ނެރުނު ބަޔާނެއްގައި ބުނީ، އިޙްސާންގެ ސަސްޕެންޝަނާ ގުޅިގެން މީޑިއާގައި ދެކެވޭ ވާހަކަތަކާ ގުޅިގެން ކަންކަން ސާފުކޮށްދެމުން، އޭނާ މަސައްކަތުން ދުރުކުރީ ކޮމިޝަނަށް ހުށަހެޅި ތަޙުޤީޤުކުރަމުންދާ ޖިންސީ ފުރައްސާރައިގެ ތުހުމަތު ހިމެނޭ މައްސަލައަކާ ގުޅިގެން ކަމަށެވެ.
މި މައްސަލައިގެ ތަޙުޤީޤަށް ގާޟީ އިޙްސާންގެ ބަޔާން ނަގައި، އިތުރު ފަރާތްތަކެއްގެ ބަސްވެސް ވަނީ ހޯދާފައެވެ.
އިޙްސާން މަސައްކަތުގައި ދެމިހުރެއްޖެނަމަ މައްސަލައިގެ ތަޙުޤީޤަށް ހުރަސްއެޅިދާނެ ކަމަށް ފެންނާތީއާއި، ޝަރުޢީ ދާއިރާގެ އިތުބާރު ނެގެހެއްޓުމުގެ އަސާސްގެ މައްޗަށް ބިނާކޮށް އޭނާ ވަނީ ސަސްޕެންޑުކޮށްފައެވެ.
