މެދު ކަނޑާލާފައިވާ އިނގިރޭސި ޕްރިމިއާ ލީގުގެ ކުޅުން އަލުން ފެށުމަށް ވާން ޖެހޭ ތައްޔާރީތައް އިނގިރޭސި އެފްއޭއިން އަންނަނީ ވަމުންނެވެ. ލީގު އަލުން ފެށޭނެ ސީދާ ތާރީހެއް އަދި ކަނޑަނޭޅުނު ނަމަވެސް ޖޫން މަހުގެ ކުރިން އެއްވެސް ކުޅިވަރެއް ނުކުޅެވޭނެ ކަން ސަރުކާންވަނީ އަންގާފައެވެ. ލަންޑަން މޭޔަރު ސާދިގު ހާންގެ ފަރާތުން ވާހަކަ ދެއްކެވި ބޭފުޅަކު ވިދާޅުވި ގޮތުގައި ކުޅިވަރު އަލުން އަނބުރާ ގެނައުން ކިތައްމެ މުހިއްމު ނަމަވެސް މީހުންގެ ފުރާނަ އެއަށްވުރެ މާ މުހިއްމެވެ.
ޕްރިމިއާ ލީގުގެ ބާކީ މެޗުތައް ކުޅުމަކީ، ރައްކާތެރިކަމެއް ނޫން ކަމަށާއި އެންމެ ރަނގަޅު ގޮތަކީ ލީގު ކެންސަލް ކުރުން ކަމަށް މީގެ ކުރިން ލިވަޕޫލުގެ މޭޔަރު ޖޯ އެންޑާސަންވެސް ވަނީ ވިދާޅުވެފައެވެ. މޭޔަރު އެންޑާސަން ވިދާޅުވި ގޮތުގައި، ލީގުގެ ކުޅުން އަލުން ފަށައި، އަދި ލިވަޕޫލަށް ލީގު ލިބިއްޖެ ނަމަ އެކަން ވެގެންދާނީ ކޮރޯނާ ވައިރަސް އިތުރަށް ފެތުރުމަށް ހުޅުވޭ ދޮރަކަށެވެ. މާޗު މަހުގެ ތޭރަވަނަ ދުވަހު ޕްރިމިއާ ލީގު މެދު ކަނޑާލިރު ލިވަޕޫލް އޮތީ ޕްރިމިއާ ލީގުގެ ޓޭބަލްގެ އެއްވަނައިގައެވެ. ލީގު ކަށަވަރުކުރަން ލިވާޕޫލަށް ބޭނުންވަނީ އެންމެ ދެ މެޗުން މޮޅުވާށެވެ.
