މޯލްޑިވިއަނުން ބުނީ އިންޑިއާގެ ސިޓީތަކަށް އެ އެއާލައިނުން ކުރަމުން އަންނަ ދަތުރުތައް އިތުރުކުރަން ނިންމާފައިވާކަމަށެވެ. އެގޮތުން ޓްރިވެންޑަރަމާއި ކޮޗިންނަށް ހަފްތާގެ އަންގާރަ ދުވަހު ފިޔަވާ ކޮންމެ ދުވަހަކު ދަތުރެއް ބާއްވަން ނިންމާފއިވާކަމަށްވެސް އެ ކުންފުނިން ވަނީ ބުނެފަ އެވެ.
މޯލްޑިވިއަނުން ބުނީ މި ދަތުރުތައް ފަށާނީ އަންނަ ޑިސެމްބަރުމަގުގެ 13 ވަނަ ދުވަހުން ފެށިގެން ކަމަށެވެ.
މިހާރު މޯލްޑިވިއަން ދަތުރުތައް އިންޑިއާގެ ޓްރިވެންޑްރަމް އަދި ކޮޗިންއަށް ކުރަމުންދަނީ ހޯމަ، ބުދަ، ބުރާސްފަތި ހުކުރު އަދި ހޮނިހިރު ދުވަހު އެވެ.
ގައުމީ އެއާލައިނުން އަންނަނީ އެ ފްލައިތްގެ ދަތުރުތައް ދުނިޔޭގެ އެކި ސަރަހައްދުތަކަށް އިތުރުކުރަމުން ނެވެ. އެގޮތުން ދާދި ފަހުން ވަނީ އޮސްޓޭލިޔާ އާއި ރާއްޖެއާއި ދެމެދު ސީދާ ދަތުރުތައް ފަށާފަ އެވެ.
