މެދު ކަނޑާލާފައިވާ އިނގިރޭސި ޕްރިމިއާ ލީގު އަލުން ފެށުމުގެ މަޝްވަރާތައް ކުރިއަށްދާއިރު، ބައެއް ކޯޗުންވަނީ ލީގް ކެންސަލް ކުރުމަށް ބާރު އަޅައި ވާހަކަ ދައްކާފައެވެ. މޮރީނިއޯއަކީ ލީގު އަލުން ފެށުން ލަސްވެގެން، އަވަހަށް ފެށުމަށް ވަކާލާތު ކުރަމުން އަންނަ ކޯޗެކެވެ. ލީގު އަލުން ފެށުމާއި ގުޅޭ ގޮތުން ކުރިއަށް ދިޔަ މަޝްވަރާތަކުގެ ވީޑިއޯ ކޮންފަރެންސް ކޯލެއްގައި މޮރީނިއޯވަނީ މިރޭ ފެށުމަށް ތައްޔާރުވެފައިވާ ޖަރުމަން ލީގު ބެލުން ރަނގަޅުކަމަށް ބުނެ އެހެން ކޯޗުންނަށް ފާޑު ކިޔާފައެވެ.
މި ސީޒަންގައި ޓޮޓެންހަމްއާއި ހަވާލުވި މޮރީނިއޯ ވަނީ ކޯޗިން ކެރިއަރުގައި މިހާތަނަށް ފަންސަވީސް ތަށި ހޯދާފައެވެ. އޭނާވަނީ ކުރިން މެންޗެސްޓާ ޔުނައިޓޭޑް، ޗެލްސީ އަދި ރިއާލް މެޑްރިޑްގެ އިތުރުން އިންޓަމިލާނާއި ޕޯޓޯއާއި ބެންފީކާއަށްވެސް ކޯޗު ކޮށްދީފައެވެ. މެދު މެދު ކަނޑާލާފައިވާ ޕްރިމިއާ ލީގު އަލުން ފެށުމުގެ މަޝްވަރާތައް ކުރިއަށްދާއިރު، ލީގު އަލުން ފެށޭނެ ތާރީހަކާއި ހިސާބަށް މަޝްވަރާތައް އަދި ނުދެއެވެ.
