ސައިންސްވެރިން މި ވެކްސިން އުފެއްދުމުގައި ބޭނުންކޮށްފައިވަނީ އިންސާނުންގެ ހަށިގަނޑަށް އެއްވެސް ގެއްލުމެއް ނުދޭ ބެކްޓީރިއޯފޭޖް ބޭނުންކޮށްގެން ތައްޔާރުކޮށްފައިވާ ޚާއްޞަ ނެނޯސްކޭލް ޕާޓިކަލްތަކެކެވެ.
މި ނެނޯސްކޭލް ޕާޓިކަލްތަކުގެ މައިގަނޑު ބޭނުމަކީ ކޭންސަރު ބަލިޖެހިފައިވާ ބަލިމީހާއަށް ޚާއްޞަކޮށްގެން ތައްޔާރުކުރެވޭ ވެކްސިން، އެމީހެއްގެ ހަށިގަނޑަށް ސީދާ ފޯރުކޮށްދިނުމެވެ. އެމްއައިޓީގެ ބަޔޯއެންޖިނިއަރުން ބަޔާންކުރާ ގޮތުގައި، މިއީ ބަލިމީހާގެ ބޭނުންތަކަށް ބަލައި ބަދަލުކުރެވޭ (ކަސްޓަމައިޒް ކުރެވޭ) ގޮތަށް ފަރުމާކުރެވިފައިވާ ނެނޯފައިބަރ ވެކްސިނެކެވެ.
މި ވެކްސިންގެ ނަތީޖާ ދެނެގަތުމަށްޓަކައި ކުރިއަށްގެންދިޔަ ޕްރީކްލިނިކަލް ޓްރަޔަލްތަކުން ނުވަތަ ކްލިނިކަލް މަރުޙަލާގެ ކުރިން ކުރެވުނު ތަޖުރިބާތަކުން ވަނީ އުއްމީދީ ނަތީޖާއެއް ދައްކާފައެވެ. އެގޮތުން، ބޭނުންވާ ގޮތަށް ބަދަލުކުރެވޭ މި ނެނޯފައިބަރ ވެކްސިނުން ވަނީ ކޭންސަރު ޓިއުމަރު އުފެދި ބޮޑުވުން ކާމިޔާބުކަމާއެކު ހުއްޓުވައިދީފައެވެ.
