މި ދައުވާތައް އަމާޒުވެފައިވަނީ އޮޒެމްޕިކް، ވެގޯވީ އަދި ޒެޕްބައުންޑް ފަދަ އާންމުންގެ މެދުގައި މަގުބޫލު ޖީއެލްޕީ-1 ގްރޫޕަށް ނިސްބަތްވާ ބަރުދަން ލުއިކޮށްދޭ ބޭސްތައް އުފައްދާ ފާމަސޫޓިކަލް ކުންފުނިތަކަށެވެ.
ކޯޓުތަކަށް ހުށަހެޅިފައިވާ ގިނަ އަދަދެއްގެ ދައުވާތަކުގައި ބުނެފައިވަނީ، މި ބޭސްތައް ބޭނުންކުރުމުގެ ސަބަބުން "އެންއޭއައިއޯއެން" ނަމަކަށް ކިޔާ ލޮލުގެ ނާރުތަކަށް ޖެހޭ ނާދިރު ބައްޔެއް މެދުވެރިވާ ކަމަށެވެ. އަދި މީގެ ސަބަބުން ކުއްލިއަކަށް އަދި ދާއިމީ ގޮތެއްގައި ލޮލުގެ ފެނުން މުޅިން ގެއްލިގެންދާ ކަމަށް މައްސަލަ ހުށަހެޅި ފަރާތްތަކުން ދައުވާތަކުގައި ތުހުމަތުކޮށްފައިވެ އެވެ.
މި މައްސަލަތަކާ ގުޅިގެން، ކަމާބެހޭ ސިއްހީ އިދާރާތަކުންނާއި ރެގިއުލޭޓަރުން ދަނީ އިތުރުވަމުންދާ ގާނޫނީ ދައުވާތަކާއި ކްލިނިކަލް ހެކިތައް ފަރުވާތެރިކަމާއެކު ދިރާސާކޮށް މުރާޖައާ ކުރަމުންނެވެ.
