ފުލުހުން ނެރުނު ބަޔާނެެއްގައި ބުނީ މިހާރަކަށް އައިސް ރާއްޖޭގައި ދިރިއުޅޭ ބައެއް ބިދޭސީން އާންމު އިޖުތިމާއާ މިންގަނޑުތަކާ ހިލާފަށް ނިވާކަން ކުޑަކޮށް ހެދުން އަޅައިގެން މަގުމަތީގައި އަދި އެނޫން އާންމު ތަންތަނުގައި އުޅޭކަން ފާހަގަކުރެވިފައިވާވާކަމަށެވެ. ބައެއް ބިދޭސީންގެ މިފަދަ އަމަލުތަކަކީ، މުޖުތަމައުގެ. އާންމު ސުލޫކީ އަދި އަހުލާގީ މިންގަނޑުތަކާ ހިލާފު އަމަލުތަކެއްކަމާއި، އޭގެ. ސަބަބުން މުޖުތަމައުގެ އަމާންކަމާއި ސުލްހަ މަސަލަސްކަމަށް ނޭދެވޭ އަސަރުކޮށްފާނެ ހާލަތްތަކެއް ކުރިމަތިވުމުގެ ކުރިން އެފަދަ ކަންކަން ހުއްޓުވުމަށް މިހިދުމަތަށް މަތިކޮށްފައިވާ ގާނޫނީ ޒިންމާ އަދާކޮށް އެފަދަ، ފަރާތްތަކާމެދު އާންމު އިޖްތިމާއީ މިންގަނޑުތަކާ ހިލާފު އަމަލުތައް ހުއްޓުވުމުގެ ގާނޫނުގެ ދަށުން އެޅެންހުރި ފިޔަވަޅު އަޅާނެކަމަށް ފުލުހުން ބުނެ އެވެ.
ދިވެހި މުޖުތަމައުގެ އަހުލާގީ އަދި އާންމު އިޖުތިމާއީ މިންގަނޑުތައް ހިފެހެއްޓުމަކީ، ދިވެހިރާއްޖޭގައި ދިރިއުޅޭ އެންމެހައި ފަރާތްތަކުން
އަދާކުރަންޖެހޭ އާންމު މަސްއޫލިއްޔަތަކަށް ވީހިނދު، ދިވެހިރާއްޖޭގައި ދިރިއުޅޭ ބިދޭސީން ދިވެހި މުޖުތަމައުގެ ސަގާފަތާއި އާދަކާދަ އަށް
އިހުތިރާމްކޮށް، އާންމު ތަންތަނާއި މަގުމަތީގައި އުޅޭ އުޅުމުގައި، މުޖުތަމައުގެ. އާންމު އިޖުތިމާއީ އަދި އަހުލާގީ މިންގަނޑުތައް
ހިފެހެއްޓުމުގެ ޒިންމާ އަދާކުރުމަށް، ދިވެހި ފުލުހުންގެ ހިދުމަތުން އެ ފަރާތްތަކަށް ހަނދާންކޮށްދޭކަމަށް ފުލުހުން ނެރުނު ބަޔާނުގައި ވެއެވެ.
ދިވެހިރާއްޖޭގައި ދިރިއުޅޭ ފަރާތްތަކުގެ އިތުރުން ދިވެހިރާއްޖެއަށް ޒިޔާތްކުރާ، ފަތުރުވެރިންނަށް ހާއްސަކޮށް ކަނޑައަޅާފައިވާ
ސަރަހައްދުތައް ފިޔަވައި، އެނޫން އާންމު ތަންތަނާއި މަގުތަކުގައި ފަތުރުވެރިން އުޅޭ އުޅުމުގައި ދިވެހި މުޖުތަމައުގެ ސަގާފަތާއި އާދަކާދަ
އަށް އިހުތިރާމުކޮށް، މުޖުތަމައުގެ އާންމު އިޖުތިމާއީ މިންގަނޑުތަކާ އެއްގޮތަށް ހެދުން އެޅުމަށް އެފަދަ ފަރާތްތަކަށް ހިދުމަތް
ދޭފަރާތްތަކުން ހާއްސަ ސަމާލުކަމެއް ދިނުމަށް އެފަރާތްތަކަށް ދިވެހި ފުލުހުންގެ ހިދުމަތުން ވަނީ އިލްތިމާސްކޮށްފަ އެވެ. .
އެއާއި ހިލާފަށް ޢަމަލުކުރާ ފަރާތްތަކާމެދު ޤާނޫނީ ފިޔަވަޅު އަޅާނެ ކަމުގެ އިންޒާރުވެސް ފުލުހުން ވަނީ ދީފަ އެވެ.
