ބުންޑަސްލީގާ، ދެ މަސް ދުވަސް ފަހުން އަލުން ފެށިއިރު، ހޮނިހިރު ދުވަހު ހަ މެޗު ކުޅުނެވެ. ހަ މެޗުގެ ތެރެއިން ގިނަ ބައެއްގެ ސަމާލުކަން ހޯދީ ޝާލްކޭއާއި ބޮރޫޝިޔާ ޑޯޓްމަންޓްގެ މެޗެވެ.
ހަތަރު ލަނޑު ސުން ލަނޑުން މި މެޗު ކާމިޔާބުކުރީ ބޮރޫޝިޔާ ޑޯޓްމަންޑެވެ. މިއަދުގެ އަނެއް މެޗަކީ، ފްރެއިބާގާ އާރްބީ ލައިޕްޒިގްގެ މެޗެވެ. މި މެޗު ނިމުނީ އެކެއް އެކަކުން އެއްވަރު ވެގެންނެވެ. އައުގްސްބާގާއި ވުލްސްބާގުގެ މެޗު ދެ ލަނޑު އެއް ލަނޑުން ކާމިޔާކުރީ ވުލްސްބާރގްއެވެ. ޑުސެލްޑޯފް އާއި ޕާޑެބޮންގެ މެޗު ދެ ޓީމުން ކުރެ ޓީމަކަށް ލަނޑެއް ނުޖެހި އެއްވަރު ވީއިރު، ހޮފެންހައިމްއާ ހާތާ ބާލިންގެ މެޗު ތިން ލަނޑު ސުން ލަނޑުން ކާމިޔާބުކުރީ ހާތާ ބާލިންއެވެ.
ޖަރުމަނު ވެގެން ގޮސްފައިވަނީ ޔޫރަޕުގައި އެންމެ އަވަހަށް ފުޓްބޯޅަ ފެށި ގައުމަށެވެ. އާދިއްތަ ދުވަހު ބުންޑަސް ލީގާގައި ކުޅޭ މެޗުތަކުގެ ތެރޭގައި ބަޔާން މިއުނިކްގެ މެޗު ފާހަގަކޮށްލެވެއެވެ.
