ads
ދުނިޔޭގައި 1 ބިލިއަނަށް ވުރެ ގިނަ މީހުން މާ ބޮޑަށް ފަލަވެއްޖެ
ބޮޑު ނުރައްކަލެއް: ދުނިޔޭގައި 1 ބިލިއަނަށް ވުރެ ގިނަ މީހުން މާ ބޮޑަށް ފަލަވެއްޖެ
ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ހާމަކޮށްފައިވާ ގޮތުގައި، މިހާރު ދުނިޔޭގައި 1 ބިލިއަނަށްވުރެ ގިނަ މީހުންނަކީ މާ ބޮޑަށް ފަލަވެފައިވާ ނުވަތަ އޮބީސިޓީގެ މައްސަލަ ކުރިމަތިވެފައިވާ މީހުންނެވެ. ސިއްހީ ގޮތުން ކުރިމަތިވެފައިވާ މި ބޮޑު މައްސަލައަށް ހައްލެއް މުހިންމުވެފައިވާތީ، ޑަބްލިއުއެޗްއޯ އާއި 20 ގައުމެއްގެ ސަރުކާރު ގުޅިގެން ވަނީ ބައިނަލްއަގުވާމީ ފެންވަރުގައި ހާއްސަ ފިޔަވަޅުތަކެއް އަޅަން ގޮވާލާ "ކޯލް ޓޫ އެކްޝަން އޮން އޮބީސިޓީ" އިފްތިތާހުކޮށްފައެވެ.
Advertisement

މި ހަރަކާތުގެ މުހިންމު އަމާޒަކީ 2030 ވަނަ އަހަރުގެ ނިޔަލަށް އެ ގައުމުތަކުގައި މާ ބޮޑަށް ފަލަވުމުގެ މައްސަލަ އުޅޭ ނިސްބަތް 5 އިންސައްތައަށް ދަށްކުރުމެވެ. ދުނިޔޭގެ ސިއްހަތު ޖަމިއްޔާއިން ބުނާ ގޮތުގައި، މިއީ ގައުމީ ފެންވަރުގައި ސިއްހީ ދުޅަހެޔޮކަން އިތުރުކުރުމަށްޓަކައި އަޅަންޖެހިފައިވާ ވަރަށް މުހިންމު އިގްރާރެކެވެ.

ޑަބްލިއުއެޗްއޯގެ ރިޕޯޓުތަކުން ދައްކާ ގޮތުގައި، ޒުވާނުންގެ މެދުގައި ނިއުޓްރިޝަނާ ގުޅޭ މައްސަލަތަކުގެ ތެރެއިން، ބަރުދަން ލުއިވުމުގެ މައްސަލައަށްވުރެ މާ ބޮޑަށް ފަލަވުމުގެ މައްސަލަ މިހާރު ވަނީ އިތުރުވެފައެވެ. އަދި ޒުވާނުންގެ މެދުގައި ނިއުޓްރިޝަން ނުލިބުމުގެ ނުވަތަ މާލްނިއުޓްރިޝަންގެ އެންމެ އާންމު ވައްތަރެއްގެ ގޮތުގައި މިހާރު ވެފައިވަނީ މާ ބޮޑަށް ފަލަވުމުގެ މައްސަލައެވެ.

ދުނިޔޭގެ 20 ގައުމަކާއި ޑަބްލިއުއެޗްއޯ ގުޅިގެން ކުރިއަށްގެންދާ މި މަސައްކަތުގެ ސަބަބުން، ކުރިއަށް އޮތް އަހަރުތަކުގައި ދުނިޔޭގެ ފެންވަރުގައި މާ ބޮޑަށް ފަލަވުމުގެ މައްސަލައަށް އެދެވޭ ހައްލެއް ލިބިގެންދާނެ ކަމަށް އުއްމީދު ކުރެވެއެވެ. އަދި 2030 ގެ ނިޔަލަށް ކަނޑައެޅިފައިވާ 5 އިންސައްތައިގެ ދަށްކުރުން ހާސިލުކުރުމަށް ބައިވެރިވާ ގައުމުތަކުން ވަނީ އެއްބަސްވެފައެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް