ޓައިގާ ވަނީ މަޝްހޫރު ހޮލީވުޑް ލަވަ ކިޔުން ތެރިއެއް ކަމަށްވާ ޖަސްޓިން ބީބާގެ އެންމެ ފަހުގެ އެއް ލަވަ ކަމަށްވާ 'ޔަމީ' އަށް ނަށާ، ނެށުމުގެ ވީޑިއޯ އެއް ފޭނުންނާއި އިންސްޓަގްރާމްގައި ހިއްސާ ކޮށްފަ އެވެ. މި ވީޑިއޯ ފެނުމުން ގިނަ ބަޔަކު ޓައިގާގެ މޮޅު ނެށުމަށް ތައުރީފް ކޮށް އޭނާގެ ޓެލްންޓް ވަނީ ފާހަގަ ކޮށްފަ އެވެ.
މި ވީޑިއޯ އަށް ތައުރީފް ކުރި މީހުންގެ ތެރޭގައި ޓައިގާގެ ލޯބި ވެރިޔާ ދިޝާ ޕަޓާނީ ވެސް ހިމެނެ އެވެ. އެގޮތުން، މި ވީޑިއޯ އަށް ދިޝާގެ ފަރާތުން ވަރަށް ބޮޑަށް ތައުރީފް ކުރުމާއި ލޯބި ވަނީ ލިބިފަ އެވެ.
ޕޯސްޓު ކޮށްފައިވާ މި ވީޑިއޯގައި ކެޕްޝަންއަކަށް ޓައިގާ ޖަހާފައި ވަނީ ބިލީބާ އެވެ. މިއީ ޖަސްޓިން ބީބާގެ ފޭނެއްކަށް ދައްކައި ދިނުމުގެ ގޮތުން ބޭނުންކޮށް އުޅޭ ބަހެކެވެ. އަދި އެ ލަވަ ވަރަށް ކަމުދާ ކަމަށް ވެސް ކެޕްޝަން ގައި ޓައިގާ ވަނީ ބުނެފަ އެވެ.
ޓައިގާ އިތުރުން ދިޝާ ވެސް ވަނީ މި ފަހުން ފޭނުންނަށް އޭނާގެ ރީތި ނެށުމުގެ މަންޒަރެއް ދައްކާލާފަ އެވެ. އެގޮތުން، ޓިކްޓޮކްގެ ސެވެޖް ޗެލެންޖް ވަރަށް ފުރިހަމަކޮށް ދިޝާ ވަނީ ވަރަށް ފަހުން ފޭނުންނާއި ހިއްސާ ކޮށްލާފަ އެވެ.
