އެއާ އިންޑިއާގެ ފްލައިޓެއް---
ޕައިލެޓް ކޮވިޑް-19 އަށް ޕޮޒިޓިވްކަން އެނގުމުން ފްލައިޓް އަނބުރާ ގައުމަށް
މާއިދާ މުހައްމަދު ރަޝާދު
01 ޖޫން 2020 - 06:54:57
ނިއު ދިއްލީ އިން މޮސްކޯއަށް ދަތުރު ކުރި އެއާ އިންޑިއާގެ ފްލައިޓެއްގެ ޕައިލެޓް ކޮވިޑް-19 އަށް ޕޮޒިޓިވް ވެއްޖެކަަން ގްރައުންޑް ޓީމުން އޭނާއަށް އެންގުމުން ދަތުރު މެދުކަނޑާލައި އަނބުރާ ގައުމަށް ޖައްސާލައިފި އެވެ.
Advertisement
އިންޑިއާ ޓައިމްސްގައި ރިޕޯޓް ކުރާ ގޮތުގައި ޕައިލެޓަށް ކޮވިޑް-19 އަށް ޕޮޒިޓިވްކަން އެންގިއިރު ފްލައިޓް އޮތީ ދަތުރުގެ މެދެއްހާ ހިސާބުގަ އެވެ.
އެ ފްލައިޓަކީ އިންޑިއާ ރައްޔިތުން އަނބުރާ ގައުމަށް ގެނައުމަށް އެގައުމުގެ ސަރުކާރުން ފެއްޓި "ވަންދޭ ބާރަތު މިޝަން" ގެ ދަށުން ރަޝިޔާގައި ތިބި އިންޑިއާ ރައްޔިތުން ބަލައި ދަތުރު ކުރި ފްލައިޓެއް ކަމަށް ވެސް އެ ނޫހުން ބުނެ އެވެ.
ޕައިލެޓް ކޮވިޑް-19 އަށް ޕޮޒިޓިވްކަން އަންގައި ފްލައިޓް އަނބުރާލަން އެންގިއިރު ފްލައިޓް އޮތީ އުޒްބެކިސްތާންގެ ވައިގެ ތެރޭގައި ކަމަށް ވެސް އެއާ އިންޑިއާގެ އިސް އޮފިޝަލަކާއި ހަވާލާދީ ރިޕޯޓްތައް ބުނެ އެވެ.
އެ ފްލައިޓް އެނބުރި ދިއްލީ އަށް ގޮސްފައިވަނީ ހޮނިހިރު ދުވަހު 12:30 ހާއިރު ކަމަށް އޮފިޝަލު ބުނެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
