މަދު ދުވަސްކޮޅެއްގެ ތެރޭގަައި ގިނަ ފޭނުން ތަކެއް ލިބިފައިވާ ޖާންވީ ކަޕޫރް އަދި ކުޝީ ކަޕޫރް އަކީ ބޯނީ ކަޕޫރް އަދި ސްރީ ދޭވީ އަންހެން ދެކުދިން ނެވެ. މި ދެ ތަރިންގެ ގާތް ގުޅުމަށް ގިނަ ބަޔަކު ތައުރީފް ކުރާއިރު، އެ ދެކުދިންނަށް ވަނީ ގިނަ ބައެއްގެ ލޯތްބާއި މަގްބޫލުކަން ވެސް ލިބިފަ އެވެ.
ކުޝީ އަދި ބޮލީވުޑް އިން ފެނިގެންގޮސްފައި ނުވި ނަމަވެސް އޭނަ ކުރާ ކޮންމެ ކަމަކަށް ވެސް ފޭނުން ތިބެނީ ފާރަލައިގެންނެވެ. އަދި އޭނާގެ އިންސްޓަގްރާމް ޕޯސްޓާއި މޭކްއަޕް ޓިއުޓޯރިއަލް ތަކަށް ގިނަ ބައެއްގެ މަގްބޫލު ކަމާއި ތައުރީފް ދަނީ ލިބެމުން ނެވެ.
ޖާންވީ މިހާރު ވަނީ ފިލްމު އިންޑަސްޓްރީ އިން ފެނިގެން ގޮސްފަ އެވެ. އަދި މިހާރު އެންމެ ބޮޑަށް ވިދަމުން އަންނަ ތަރިންގެ ތެރޭގައި ޖާންވީ ހިމެނެ އެވެ.
ޖާންވީ އަދި ކުޝީ މިހާރު
ޖާންވީގެ ޓްވިޓާ ފޭން އެކައުންޓަކުން ވަނީ ޖާންވީ އަދި ކުޝީ 2013 ވަނަ އަހަރު ރާއްޖެ އަށް ޗުއްޓީއަށް އައިސް އުޅުނު އިރުގެ ފޮޓޮއެއް ލާފަ އެވެ. މި ފޮޓޮއިން ވެސް ފެނިގެން ދަނީ ދެ ތަރިން މިހާރާއި ބަލާފައި ކުރިން ހުންނަ ލެއް ކުޑަ ކަމެވެ.
