ސޯޝަލް މީޑިއާގައި އާންމުކޮށް ފޮޓޯ އާއި ޕޯސްޓުތައް ހިއްސާ ކުރާ ބޮލީވުޑް ތަރި ސޯނަމް ކަޕޫރް ވަނީ އޭނާގެ ބައްޕަ މަޝްހޫރު ފިލްމީ ތަރި އަނިލް ކަޕޫރް އާއި ސޯނަމް ގެ ކުރީގެ ފޮޓޯއެއް އިންސްޓަގްރާމްގައި ހިއްސާ ކޮށްފަ އެވެ. ސޯނަމް މި ފޮޓޯ އިންސްޓަގްރާމްގައި ޕޯސްޓު ކޮށްފައި ވަނީ، އޭނާގެ ބައްޕަ އަށް ބައްޕައިންގެ ދުވަހުގެ ތަހުނިޔާތައް އަދާ ކުރަމުން ނެވެ.
މި ފޮޓޯއިން ފެނިގެން ދަނީ އަނިލް އޭނާގެ ދަރިފުޅު ސޯނަމް އުރާލައިގެން ހުންނަ މަންޒަރެވެ. ސޯނަމް ތުއްތުއިރު ހުރިލެއް ލޯބި ކަމުން މި ފޮޓޯއަށް ވަނީ ގިނަ ބައެއްގެ ސަމާލުކަން ލިބިފަ އެވެ.
ސޯނަމް އަދި އަނިލް ކަޕޫރް
އަދި މި ފޮޓޯގެ އިތުރުން ސޯނަމް ވަނީ އޭނާއާއި އޭނާ ކޮއްކޮ ރިއާ ކަޕޫރު އެ ދެ މީހުންގެ ބައްޕަ އާއި އެކު އިން ފޮޓޯއެއް ވެސް ހިއްސާ ކޮށްފަ އެވެ.
އަނިލް، ސޯނަމް އަދި ރިއާ ކަޕޫރް
ބޮލީވުޑްގައި މިހާރު އެންމެ މަޝްހޫރު އެއް ތަރި ކަމަށްވާ ސޯނަމް ވަނީ އޭނާގެ ބައްޕަ އަނިލް ކަޕޫރާއި އެކު ވަރަށް ފަހުން ފިލްމަކުން ފެނިގެން ގޮސްފަ އެވެ. 'އޭކް ލަޅްކީ ކޯ ދޭކާ ތޯ އޭސާ ލަގާ" ނެރެފައިވަނީ މިދިޔަ އަހަރުގެ ފެބްރުއަރީ މަހުގަ އެވެ.
އޭގެ އިތުރުން، ސޯނަމް ފެނިފައިވާ މަޝްހޫރު ފިލްމު ތަކުގެ ތެރޭގައި، "ދަ ޒޯޔާ ފެކްޓާ"، "ދުލްގާރު ސަލްމާން" އަދި މޯހިތު ސޫރީގެ މި އަހަރުގެ ފެބްރުއަރީ މަހު ރިލީޒްކުރި "މަލާންގް' ހިމެނެ އެވެ.
