Share
ފިޝަރީޒް މިނިސްޓަރު ޒަހާ ވަހީދު، މަގާމުގެ މަސްއޫލިއްޔަތު ފުރިހަމައަށް އަދާނުކުރާ ކަމަށް ބުނެ، މަގާމުން އިސްތިއުފާ ދިނުމަށް ވެސް ބައެއް މެމްބަރުން މަޖިލީހުގައި ގޮވާލައްވާފައިވާތީ އެކަމާއި ގުޅިގެން ސީއެންއެމްގެ އިތުރުކާފު ޕްރޮގްރާމުގައި ރޭ ވާހަކަ ދައްކަމުން، ޖާބިރު ވިދާޅުވީ، ކޯލިޝަން ހިފަހައްޓަން ޖެހޭ ކަމަށް ފެނުމަކީ ގޯހެއް ކަމަށާއި އެގޮތުން ހަގީގަތުގައި މިހާރު ކޯލިޝަނެއް ނުވެސް ނެތް ކަމަށެވެ.
އޭގެ އިތުރުން، ޖާބިރު ވިދާޅުވީ، ސަރުކާރު ހިނގައި ނުގަނެގެން އުޅޭ މައިގަނޑު މަގްސަދަކީ ވެސް ކޯލިޝަން ކަމަށެވެ. އެގޮތުން ގާތް ރަހުމަތްތެރިން އުފެދުން ކަމުގައި ވިޔަސް މަސައްކަތް އެކުގައި ކުރަންވާނީ ކަމަށް ގާބިލު މީހުން ލައިގެން ކަމަށް ވެސް ޖާބިރު ވިދާޅުވި އެވެ.
ޖާބިރު އިތުރަށް ވިދާޅުވީ، ރާއްޖޭގެ ފިޝަރީޒް މިނިސްޓަރަކީ އެކަމަށް ގާބުލު ފަރާތަކަށް ވާންޖެހޭ ކަމަށާއި އަދި ވިޔަފާރި ވެސް ރަނގަޅަށް ދަންނަ ފަރާތަކަށް ވާން ޖެހޭ ކަމަށެވެ.
ކޯލިޝަނެއް އުފައްދައިގެން އައި މި ވެރިކަމުގައި މިނިސްޓަރުންގެ މަގާމުތަކުގައި ތިއްބެވީ އެކި ސިޔާސީ ޕާޓީތަކަށް ނިސްބަތްވާ ފަރާތްތަކެވެ. މީގެ ކުރިން ވެސް މި ކޯލިޝަނުގައި މައްސަލަތައް ޖެހިގެން އުޅޭކަމުގެ އަޑުތައް އަރާފައިވީނަމަވެސް ކޯލިޝަން ރޫޅާނުލާނޭ ކަމަށް ކޯލިޝަނުގައި ހިމެނޭ ސިޔާސީ ލީޑަރުން ވަނީ ވިދާޅުވެފަ އެވެ.
13070
