Advertisement

ކާގިލް ހަނގުރާމަ ހިނގާދިޔަ ދުވަސްވަރު އިންޑިއަން އެއާ ފޯސްގައި މަސައްކަތް ކުރަމުން އައި ހަމައެކަނި އަންހެން ޕައިލެޓް ގުންޖަން ސަކްސޭނާގެ ހަޔާތަށް ނެރޭ ފިލްމުގައި އެސިސްޓެންޓު ޕްރޮޑިއުސަރެއްގެ ގޮތުގައި ފެނިގެން ދާނީ ސަންޖޭ ކަޕޫރުގެ އަންހެން ދަރިފުޅު ސަނާޔާ އެވެ. ފިލްމު ޕްރޮޑިއުސަރެއްގެ ގޮތުގައި އޭނާ މަސައްކަތް ކުރަމުން އައި ނަމަވެސް ބައްޕައެކޭ އެއްގޮތަށް ފިލްމުތަކުގައި އެކްޓު ކުރުމުގެ ޝައުގުވެރިކަން ސަނާޔާގެ ވެސް އެބަ ހުއްޓެވެ.

އުމުރުން 20 އަހަރުގެ ސަނާޔާ އިންޑިއާގެ ނޫހަކަށް ދިން އިންޓަވިއުއެއްގައި ބުނާ ގޮތުން އޭނާ އަދި ބޮލީވުޑަށް ނިކުތުމުގެ ކަންކަން ފައިނަލެއް ނުކުރެ އެވެ. އެގޮތުން އަވަސް އަރުވާލައިގެން އެކަން ކުރަން ބޭނުން ނުވާ ކަމަށް ވެސް ބުންޏެވެ.

ބޮލީވުޑަށް އޭނާ ތައާރަފުވާން ޝައުގުވެރިކަން ހުރީ ކޮން ޕްރޮޑިއުސަރަކާއެކުތޯ ސުވާލުކުރުމުން ސަނާޔާ ބުނެފައި ވަނީ ކަރަން ޖޯހަރަކީ އާއިލީ މީހެއް ކަމަށާއި އަދި އެހާ ހުނަރުވެރި އަދި އެންމެ މޮޅު އެއް ޑައިރެކްޓަރު ކަމަށެވެ. އަދި އޭނާގެ ފިލްމެއް ކަރަން ޑައިރެކްޓް ކުރާ ނަމަ އުފަލުން ރޮވޭނެ ކަމަށާއި މަރުވެސް ވެދާނެ ކަމަށް ސަނާޔާ ބުންޏެވެ.

މީ ދާއިރާއިން ކުރިއަށް ދިއުމަށް އެކްޓިން ވޯކްޝޮޕެއްގެ އިތުރުން ޑާންސް ކްލާސްތަކެެއްގައި ވެސް ސަނާޔާ ބައިވެރިވެފަ އެވެ.

ސަނާޔާގެ ބައްޕަ ސަންޖޭއަކީ ނުވަދިހައިގެ އަހަރުތަކުގައި ބޮލީވުޑުގައި ވިދާލި ތަރިއެކެވެ. އޭނާ ވަނީ ރާޖާ އާއި ޕްރެމް އަދި ސިރްފު ތުމް ފަދަ ކާމިޔާބު ފިލްމުތަކުގައި މަސައްކަތްކޮށްފަ އެވެ. ސަންޖޭގެ އިތުރުން އަނިލް ކަޕޫރަކީ ވެސް ބޮލީވުޑުގައި ކުޅަދާނަ ތަރިއެކެވެ. އަނިލްއަކީ ޝަނާޔާގެ ބޮޑުބޭބެ އެވެ.

އަނަންޔާގެ އިތުރުން އުމުރުން އެންމެ 19 އަހަރުގެ ޝަނާޔާގެ އެންމެ ގާތް ރަހުމަތްތެރިޔާ ސުހާނާ ހާން ވެސް ވަރަށް އަވަހަށް ބޮލީވުޑަށް ތައާރަފު ވާނެ ކަމުގެ އަޑުތައް ފެތުރިފައި ވެއެވެ. އެކަމަކު ސުހާނާގެ ބައްޕަ ޝާހު ވަނީ އެކަމަށް އެހީ ވާނީ ސުހާނާ ކިޔަވާ ނިމުމުން ކަމަށް ބުނެފަ އެވެ. ސަނާޔާގެ ބައްޕަ ގަބޫލުކުރާ ގޮތުން ނަމަ ފިލްމީ ދާއިރާގައި މަސައްކަތް ކުރަން ކިޔަވާކަށް ނުޖެހެ އެވެ.