އަދަނޮމް މިހެން ވިދާޅުވެފައިވަނީ ހުކުރު ދުވަހު ދުނިޔޭގެ ސިއްހީ ޖަމިއްޔާ (ޑަބްލިއުއެޗްއޯ) ގެ އެމަޖަންސީ ކޮމިޓީއާއި އެކު ބޭއްވުނު ބައްދަލުވުމެއްގަ އެވެ.

ހަލުވިކަމާއެކު ކޮވިޑް-19 ފެތުރި، 17 މިލިއަނަށް ވުރެ ގިނަ މީހުންނަށް ބަލި ޖެހިފައިވާއިރު 670،000 އަށް ވުރެ ގިނަ މީހުން ވަނީ އެ ބަލީގައި މަރުވެފައެވެ. ފާއިތުވެދިޔަ ހަފްތާތަކުގެ ތެރޭގައި ކޮވިޑްގެ އަސަރު އެންމެ ބޮޑަށް ކޮށްފައިވަނީ އެމެރިކާ، ބްރެޒިލް، މެކްސިކޯ އަދި ޔޯކޭ އަށެވެ. އެއީ އެގައުމުތަކުގެ ސަރުކާރުން ބައްޔާއި ދެކޮޅަށް އެކަށީގެންވާ ފިޔަވަޅު އެޅިފައި ނުވާތީ އެވެ.

ބައިނަލްއަގްވާމީ މީޑިއާތަކުން ރިޕޯޓުކުރާ ގޮތުގައި ކޮވިޑާއި ގުޅިގެން ބައެއް ގައުމުތައް ލޮކްޑައުނަކަށް ގޮސްފައިވުމާއި ގުޅިގެން އިގްތިސާދީ ގޮތުން އެތައް ގޮންޖެހުންތަކެއް ވަނީ ކުރިމަތި ވެފައެވެ. އަދި ބައެއް ގައުމުތަކަށް ދެވަނަ ރާޅެއްގެ ބިރު ބޮޑު ކަމަށްވެސް ބުނެ އެވެ.

150 އަށް ވުރެ ގިނަ ފާމަސިއުޓިކަލް ކުންފުނިތަކުން ކޮވިޑާއި ދެކޮޅަށް ވެކްސިނެއް އުފެއްދުމަށް މަސައްކަތް ކުރަމުންދާއިރު ވެކްސިން ބޭނުން ކުރެވޭނެ ކަމަށް ލަފާކުރެވެނީ އެންމެ އަވަހަށްވެސް 2021 ވަނަ އަހަރުގެ ކުރީކޮޅުގައި ކަމަށް ޑަބްލިއުއެޗްއޯއިން ބުނެ އެވެ.