ރިޕަބްލިކް ޓީވީއަށް ދިން އިންޓަވިއުއެއްގައި އަންކިތާ ބުނީ ސުޝާންތު މަރުވިކަން އެގުނީ ނޫސްވެރިޔަކު ގުޅާފައި އެކަމާއި ގުޅޭގޮތުން ސުވާލުކުރުމުންކަމަށެވެ. ނޫސްވެރިޔާ ގުޅި އިރު އޭނަ އޮތީ ނިދާފަކަމަށާއި، ފުރަތަމަވެސް އެހަބަރު އިވުނީމަ ލިބުނީ ޝޮކެއްކަމަށެވެ. އޭގެ ކުޑައިރުކޮޅެއް ފަހުން މުޅި މީސްމީޑިއާގައި އެ ފުޓޯތަށް ދައުރުވާން ފެށިކަމަށެވެ.
ސުޝާންތުގެ ގޭތެރެއިން ނަގާފައިވާ އެކިއެކި ފުޓޯތަކާއި ވީޑިއޯތަށްވެސް ވަރަށް ގިނަ މީހުން އަންކިތާގެ ފޯނަށްވެސް ފޮނުވަމުން ދިޔަކަމަށް އޭނާ ރިބްލިކް ޓީވީއަށް ދިން އިންޓަވިއުގައި ބުނެފައި ވެއެވެ. އަންކިތާ ބުނީ އެއެއްޗެހި ބެލުން އޭނާ އަށްވީ ބޮޑު ވޭނަކަށްކަމަށާއި އެ ފުޓޯތަށް ބަލަންވެސް ބޭނުންނުވި ކަމަށެވެ.
ސުޝާންތުގެ ހަށިގަނޑު ޝީޓަށް ލީ ވީޑިއޯއެއްވެސް ދުށިންކަމަށާއި ސުޝާންތުގެ ކޮޓަރި ފަންކާގައި ފެހި ކުލައިގެ ސުކާފެއް އެލުވާފަ ހުއްޓާ އަދި ސުޝާންތުގެ މަރުވެފައިވާ ހަށިގަނޑު އެދުމަތީ އޮށްވާ ދެކުނިންކަމަށްވެސް އަންކިތާ ބުނެފައިވެއެވެ. އެއީ ބަލަން އުދަގޫ ހިތްދަތި މަންޒަރެއް ކަމަށް އޭނާ ބުނެފައިވެއެވެ.
މަހަރަޝްތްރާ ސައިބާ އިންވަނީ މި ފުޓޯތަށް ދައުރުކުރާ މީހުންނަށް އިންޒާރުވެސް ދީފައެވެ. މަހަރަޝްތްރާ ސައިބާ އިން ބުނާ ގޮތުގައި މީހެއްގެ ފުޓޯތަކެއް މީސްމީޑިއާގައި ދައުރުކުރުމަކީ ކުށެއް ކެވެ.
ބޮލީވުޑުގެ މަޝްހޫރު ތަރި، ސުޝާންތު ސިންގް ރާޖުޕުތުގެ މަރާއި ގުޅިގެން އޭނާގެ ލޯބިވެރިޔާ، ރިއާ ޗަކްރަބޯޓީއަށް ގިނަ ބަޔަކު ދަނީ ބޮޑެތި ތުހުމަތުތަކެއް ކުރަމުންނެވެ.
