އެމްޓީސީސީ އިން ބުނީ މި މަޝްރޫޢުގެ ތެރެއިން އެއްގަމުތޮށީގެ ގާ އެތުރުމުގެ މަސައްކަތް މިހާރު ވަނީ ނިމިފައި ކަމަށެވެ.
އަދި މިހާރު ކުރިއަށް ދަނީ އެއްގަމު ތޮށިލުމަށް ބޭނުންވާ ކޮންކްރީޓް މަސައްކަތް ކަމަށާއި ބޭރުތޮށި ލުމަށް ބޭނުންވާ ފުރަތަމަ ބޮޑުގަލުގެ ޝިޕްމަންޓް މިހާރުވަނީ އެރަށަށް ގެންގޮސްފައި ކަމަށް އެމްޓީސީސީއިން ބުނެ އެވެ.
މި މަޝްރޫޢުގެ ދަށުން 26،885 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި، 40 މީޓަރުގެ ސަރަހައްދެއްގެ ރިވެޓްމަންޓް ޖެހުން ހިމެނެ އެވެ.
އަދި 550 އަކަމީޓަރުގެ ސަރަހައްދެއްގައި ޕޭވްމަންޓް ހަދައި، ބަނދަރު ބައްތި ޖެހުމުގެ އިތުރުން ރޭމްޕެއް ހެދުމުގެ މަސައްކަތް ހިމެނޭ ކަމަށް އެމްޓީސީސީއިން މައުލޫމާތު ދެއެވެ .
ޕްލޭނިން މިނިސްޓްރީން 25 ސެޕްޓެމްބަރ 2019 ގައި އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއުއަށް 27.3 މިލިއަން ރުފިޔާ ހަރަދުވާނެ ކަމަށް އެމްޓީސީސީއިން ލަފާކުރެ އެވެ.
