އެތަކެއްޗަކީ ޖަޕާނުގެ ސަރުކާރުން ފަންޑުކޮށްގެން ގަނެ ރާއްޖެއަށް ހަދިޔާކޮށްފައިވާ ތަކެތި ކަމަށް އެމްއެންޑީއެފް އިން ބުނެ އެވެ.
މިއަދު ހެނދުނު ބޭއްވި ރަސްމިއްޔާތެއްގައި ޔޫއެންއޯޑީސީން ހަދިޔާކޮށްފައި ވަނީ މެރިޓައިމް ޑޮމެއިން އެވެއާނެސް އިކުއިޕްމެންޓެވެ. އަދި އެ ތަކެއްޗާއި ހަވާލުވެވަޑައިގެންނެވީ ޑިފެންސް މިނިސްޓަރު މާރިޔާ އަހްމަދު ދީދީ އެވެ.
އެތަކެއްޗަކީ ޔޫއެންއޯޑީސީގެ ގުލޯބަލް މެރިޓައިމް ކްރައިމް ޕްރޮގުރާމްގެ ދަށުން ރާއްޖޭގެ މެރިޓައިމްގެ ސަލާމަތާއި ރައްކާތެރިކަން އިތުރުކުރުމަށް ޖަޕާން ސަރުކާރުގެ ފަރާތުން އެމްއެންޑީއެފްއަށް ހަދިޔާކޮށްފައިވާ ތަކެތި ކަމަށް އެމްއެންޑީއެފްއިން ބުނެ އެވެ .
ޔޫއެންއޯޑީސީން ހަދިޔާކޮށްފައިވަނީ މެރިޓައިމް ޑޮމެއިން އެވެއާނެސް އިކުއިޕްމެންޓް
އެމްއެންޑީއެފްއިން ބުނީ އެ ވަސީލަތްތަކުގެ ސަބަބުން ރާއްޖޭގެ ކަނޑުގެ ސަރަހައްދުގައި ދަތުރުފަތުރު ކުރަމުންދާ އުޅަނދުފަހަރު ފަސޭހައިން ބަލާލެވޭނެ ކަމަށާއި އެކަމުގެ ސަބަބުން ކަނޑުމަތީގައި ސަލާމަތްތެރިކަމާއި ގުޅުން ހުރި ކަންކަން ރަނގަޅުވެގެން ދާނެ ކަމަށެވެ.
އަދި މީގެ އިތުރުން، ލިބުނު އެހީގެ ސަަބަބުން ކަނޑުމަތީގައި ހިންގާ އޮޕަރޭޝަންތައް އިތުރަށް ހަލުވިވެ ހަރުދަނާވެގެން ދާނެ ކަމަށް ވެސް އެމްއެންޑީއެފް އިން ބުނެފައި ވެއެވެ.
