ރައީސްގެ ތައުޒިޔާގެ މެސެޖުގައި އިންޑިއާގެ ކުރީގެ ރައީސް އަވަހާރަވިކަމުގެ ހަބަރު އެއްސެވީ ފުން ހިތާމައާއެކު ކަމަށާއި، މިއީ އިންޑިއާއާއި މުޅި ދެކުނު އޭޝިއާ ސަރަހައްދަށް ވެސް ގެއްލިގެން ދިޔަ ހިދުމަތްތެރި ބަތޮލެއްކަން ފާހަގަ ކުރެއްވި ކަމަށް ރައީސް އޮފީހުން މައުލޫމާތު ދީފައިވެ އެވެ.
އަދި، ޕްރަނާބް މުކަރުޖީ ތަރައްގީއަށް ކޮށްދެއްވާފައިވާ އަގުނުކުރެވޭފަދަ ގިނަ ހިދުމަތްތަކަކީ އަންނަން އޮތް ޖީލުތަކުން ވެސް ހަނދާން އާކުރަމުންގެންދާނެ ކަންތައްތަކެއްކަން ރައީސް ފާހަގަ ކުރައްވާފައިވެ އެވެ.
އިންޑިއާގެ ކުރީގެ ރައީސް ޕްރަނާބް މުކަރުޖީ އަވަހާރަވެފައިވަނީ ކޮވިޑް-19 އަށް ޕޮޒިޓިްވެ، ވެންޓިލޭޓަރުގައި ފަރުވާދެމުންދަނިކޮށެވެ. އިންޑިއާގެ ރައީސްކަން 2012 ވަނަ އަހަރުން ފެށިގެން 2017 ވަނަ އަހަރުގެ ނިޔަލަށް ކުރި މުކަރްޖީ އަށް ކޮވިޑް ޖެހިގެން ފަރުވާދޭން ފެއްޓެވީ މިމަހުގެ 10 ވަނަ ދުވަހެވެ.
