ގޭބިސީގެ އާމްދަނީ އާއި ހަރަދުގެ ރިޕޯޓުން ދައްކާ ގޮތުގައި ރާއްޖޭގައި ޖުމްލަ 87،537 ގޭބިސީ އެބަ ހުއްޓެވެ. އެއީ މާލޭގައި 41،737 ގޭބިސީ އާއި އަތޮޅު ތެރޭގައި 45،808 ގޭބިސީ އެވެ. 

މުޅި ރާއްޖޭގެ ޖުމްލަ ގޭބިސީގެ ތެރެއިން 48 ޕަސަންޓުގައި އެ ގޭބިސީގެ އެންމެ އިސް މީހަކަށް ހުންނަނީ އަންހެނެކެވެ. އެވްރެޖުކޮށް ގޭބިސީއެއްގައި 5.2 މީހުން އުޅެ އެވެ.

ގިނަ އަދަދެއްގެ ގޭބިސީގެ އެންމެ އިސް މީހަކަށް އަންހެނަކު ހުންނައިރު، ގޭބިސީއަކުން އެވްރެޖު ގޮތެއްގައި އާމްދަނީ ލިބެނީ 2.6 މީހުންނަށެވެ. 

އެގޮތުން މާލޭގެ ގޭބިސީއަކަށް އެވްރެޖު ގޮތެއްގައި އާމްދަނީގެ ގޮތުގައި ލިބެނީ 35،596 ރުފިޔާ ލިބޭއިރު ރަށްރަށުގެ ގޭބިސީތަކަށް އެވްރެޖު ގޮތެއްގައި އާމްދަނީގެ ގޮތުގައި ލިބެނީ 19،633 ރުފިޔާ އެވެ.