އެޗްޕީއޭއިން އޮގަސްޓް 31 ވަނަ ދުވަހު ނެރުނު ނޫސްބަޔާނެއްގައި ބުނެފައިވަނީ، ރަޖިސްޓްރީ ނުކުރާ ބަދިގެ ފަދަ ތަންތަނުގައި ކާބޯތަކެތި ތައްޔާރުކޮށް ވިއްކުމާއި ފިހާރަތަކާއި ގޭގޭގައިި ކާބޯތަކެތީގެ ބާވަތްތަކާއި ދުންފަތުގެ ބާވަތްތައް އޮންލައިން ޕްލެޓްފޯމްތަކުގައި އިސްތިހާރުކޮށް ވިއްކާ ނަމަ ގަވާއިދުގާވާ ގޮތުގެ މަތިން ފިޔަވަޅު އެޅުމަށް ނިންމާފައިވާ ކަމަށެވެ.
މިކަމާއި ގުޅިގެން އަނަސް ކުރެއްވި ޓްވީޓެއްގައި ވިދާޅުވެފައިވަނީ، ކޮވިޑް19 ގެ މި ދަތި ހާލުގައި އުފެއްދުންތެރިކަމަށް ހިތްވަރު ދޭންޖެހޭ ކަމަށެވެ. އަދި އާމްދަނީ ހޯދުމުގެ ފުރުސަތު ފަހިކޮށްދިނުން މުހިންމު ވެފައިވާ މި ދަނޑިވަޅުގައި ދިމާވެފައިވާ މާލީ ދަތިކަމާ މާޔޫސްކަން އިތުރުވާގޮތަށް މަންގަނޑުތައް ތަންފީޒު ކުރުމަކީ އިންސާފުވެރި ގޮތެއް ނޫން ކަމަށާއި، އަދި އެއީ ހައްލެއްވެސް ނޫން ކަމަށް އަނަސް ވިދާޅުވި އެވެ.
އާންމުންގެ ތެރެއިން ގިނަ ފަރާތްތަކަކުން އަންނަނީ އެޗްޕީއޭގެ މި ނިންމުމަށް ފާޑުކިޔަމުންނެވެ. އަދި ކުދި އަމިއްލަ ވިޔަފާރިތަކަށް ހުރަސް ނޭޅުމަށްވެސް އަންނަނީ ގޮވާލަމުންނެވެ.
