ހޯމަ ދުވަހު ޖެނިވާގައި ނޫސްވެރިނާ ބައްދަލުކުރައްވާ ޓެޑްރޮސް ވިދާޅުވީ މިހާރަށްވުރެ ބޮޑަށް ދުނިޔޭގެ ހުރިހާ ގައުމަކުންވެސް ދެން ކުރިމަތިވެދާނެ ބަލިމަޑުކަމަކަށް ތައްޔާރުވެ ތިބެން ޖެހޭ ކަމަށާއި، އެގޮތުން ގައުމުތަކުން ސިއްހީ ދާއިރާއަށް ކުރާ އިންވެސްޓް އިތުރު ކުރަން ޖެހޭ ކަމަށެވެ.

ޗައިނާގެ ވުހާން ސިޓީ އިން މިދިޔަ ޑިސެމްބަރު މަހުގެ ތެރޭގައި އެންމެ ފުރަތަމަ ފެނިގެންދިޔަ ކޮވިޑް-19 މުޅި ދުނިޔެއަށް ފެތުރި މިހާތަނަށް 27.19 މިލިއަން މީހުންނަށް ޖެހިފައިވާއިރު، 888،326 މީހުން ވަނީ މިބަލީގައި މަރުވެފަ އެވެ.

ކޮވިޑް-19 ޖެހިގެން އެންމެ ގިނަ ބަޔަކު މަރުވެފައި ވަނީ އެމެރިކާ އިންނެވެ. އެމެރިކާއިން މިހާތަނަށް 189،095 މީހުން ވަނީ މިބަލީގައި މަރުވެފަ އެވެ. އަދި އެގައުމަކީ ހަ މިލިއަނަށް ވުރެ ގިނަ މީހުންނަށް ބަލި ޖެހި، މިވަގުތު ދުނިޔެއިން އެންމެ ގިނަ ބަޔަކަށް ބަލި ޖެހިފައިވާ ގައުމު ވެސް މެއެވެ.